U Biełaruś chacieŭ zajechać čałaviek z padroblenym rasijskim pašpartam
U Nacyjanalnym aeraporcie Minsk zatrymali mužčynu, jaki znachodziŭsia ŭ vyšuku i sprabavaŭ pierasiačy miažu z častkova padroblenym rasijskim pašpartam.
Jak paviedamlaje Dziaržaŭny pahraničny kamitet, zatrymańnie adbyłosia ŭviečary 10 červienia padčas afarmleńnia rejsu sa Stambuła. Pašpart, jaki padaŭ pamiežnikam mužčyna, vyklikaŭ padazreńnie. Pry dadatkovaj praviercy vyśvietliłasia, što staronka z asabistymi danymi ŭ dakumiencie była zamienienaja, što śviedčyć pra jaho častkovuju padrobku.
Zhodna ź infarmacyjaj DPK, mužčyna znachodzicca ŭ vyšuku ŭ Rasii za machlarstva. Jaho zatrymali i źmiaścili ŭ izalatar časovaha ŭtrymańnia HUUS Minharvykankama.
Za sprobu niezakonnaha pierasiačeńnia miažy jamu pahražaje štraf da 100 bazavych vieličyń (kala 4200 biełaruskich rubloŭ). Akramia taho, vykarystańnie padroblenych dakumientaŭ — heta ŭžo kryminalnaje złačynstva, za jakoje praduhledžana abmiežavańnie voli terminam da dvuch hadoŭ.
Biełarus pryjechaŭ z Polščy abnavić pašpart, a staŭ fihurantam kryminalnaj spravy z zabaronaj na vyjezd. I pytańnie nie ŭ palitycy
U Breście zatrymali rasijanina, jaki sprabavaŭ zajechać u Polšču pa ŭkrainskim padrobnym pašparcie
«Papierka, a nie padstava dla vyjezdu». Biełarusa z polskim prajaznym dakumientam nie puścili na samalot
Ciapier čytajuć
Zališniaje budaŭnictva: ci moža luboŭ biełarusaŭ inviestavać hrošy ŭ kvatery pryvieści da kryzisu na rynku nieruchomaści?4
Kamientary