U Paŭnočnym Bierazie płanujuć značna pavialičyć Łejksajd park, što raźmiaściŭsia na bierazie Cnianskaha vadaschovišča. Novaj častkaj parku stanuć nieasvojenyja terytoryi, na jakich raniej raźmiaščalisia nieabstalavanyja plažy i piešachodnyja ściežki. U vyniku park budzie zajmać nie 7, a cełych 36 hiektaraŭ, piša Realt.by.
U novaj častcy parku źjavicca rekanstrujavanaja plažnaja zona z kamfortnym dostupam da vady i zonami dla zaharu, sučasnyja dziciačyja placoŭki ź interaktyŭnymi elemientami i biaśpiečnymi hulniavymi zonami, spartyŭnyja placoŭki dla zaniatkaŭ mini-futbołam, baskietbołam, varkaŭtam i inšymi vidami aktyŭnaści.
Taksama ŭ novym parku arhanizujuć unikalnyja prahułačnyja maršruty i naziralnyja placoŭki, adkryjuć restaran z panaramnym vyhladam na park i punkty prakatu vodnaha i dziciačaha hulniavoha abstalavańnia.
Prajektavańnie novaj terytoryi ŭžo pačataje i zavieršycca ŭ 2025 hodzie.
Paŭnočny Bierah — novy žyły kompleks u Minsku, jaki stanovicca nieadjemnaj častkaj kulturnaha i dziełavoha žyćcia horada. Jaho stvaralniki śćviardžajuć, što chočuć stvaryć pryncypova novy žyły kompleks, raźmieščany na bierazie Cnianskaha vadaschovišča i akružany pryrodaj.
Zabudoŭvaje kompleks «Paŭnočny Bierah» TAA «Ryviersajd Deviełapmient Limited». Letaś byli zdadzienyja 6 damoŭ, a ciapier na roznych stadyjach budaŭnictva znachodziacca 14 damoŭ, parkinh, pažarnaje depo, dziciačy sad i škoła.
Ciapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru3
Kamientary