Pakul u lasach i parkach tolki pačynajuć prabivacca pieršaćviety, u adnoj z aranžarej Centralnaha bataničnaha sadu panuje viasna — tut raspuścilisia ciulpany, narcysy i navat bez, piša «Minsk-Naviny».
Nie kožnaja bataničnaja ŭstanova ŭ śviecie moža pachvalicca zimovaj vyhankaj takoj raśliny jak bez. U Biełarusi hetaja ekspazicyja taksama adzinaja ŭ svaim rodzie.
Užo čaćviorty hod biełaruskija navukoŭcy pakazvajuć kvitniejučy bez na vystavie «Dychańnie viasny». Hetym razam na vystavie — 9 hatunkaŭ.
Nie ŭsie hatunki adnolkava prydatnyja dla zimovaj vyhanki, i, viadoma, jość niuansy ŭ technałohii vyroščvańnia. Heta admysłovyja padkormy i apracoŭki, pierasadka, abrazańnie i roznyja kompleksnyja mierapryjemstvy, jakija pravodziać na praciahu hoda, raspaviadajuć śpiecyjalisty.
Taksama na vystavie možna pabačyć ciulpany hatunkaŭ roznych kłasaŭ, a taksama kala 20 hatunkaŭ narcysaŭ.
Vystava budzie pracavać da 16 sakavika z 10:00 da 17:00 i z 19:00 da 21:00 va ŭsie dni, akramia paniadziełka.
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku49
Kamientary