У Паўночным Беразе плануюць значна павялічыць Лэйксайд парк, што размясціўся на беразе Цнянскага вадасховішча. Новай часткай парку стануць неасвоеныя тэрыторыі, на якіх раней размяшчаліся неабсталяваныя пляжы і пешаходныя сцежкі. У выніку парк будзе займаць не 7, а цэлых 36 гектараў, піша Realt.by.
У новай частцы парку з'явіцца рэканструяваная пляжная зона з камфортным доступам да вады і зонамі для загару, сучасныя дзіцячыя пляцоўкі з інтэрактыўнымі элементамі і бяспечнымі гульнявымі зонамі, спартыўныя пляцоўкі для заняткаў міні-футболам, баскетболам, варкаўтам і іншымі відамі актыўнасці.
Таксама ў новым парку арганізуюць унікальныя прагулачныя маршруты і назіральныя пляцоўкі, адкрыюць рэстаран з панарамным выглядам на парк і пункты пракату воднага і дзіцячага гульнявога абсталявання.
Праектаванне новай тэрыторыі ўжо пачатае і завершыцца ў 2025 годзе.
Паўночны Бераг — новы жылы комплекс у Мінску, які становіцца неад'емнай часткай культурнага і дзелавога жыцця горада. Яго стваральнікі сцвярджаюць, што хочуць стварыць прынцыпова новы жылы комплекс, размешчаны на беразе Цнянскага вадасховішча і акружаны прыродай.
Забудоўвае комплекс «Паўночны Бераг» ТАА «Рыверсайд Дэвелапмент Лімітэд». Летась былі здадзеныя 6 дамоў, а цяпер на розных стадыях будаўніцтва знаходзяцца 14 дамоў, паркінг, пажарнае дэпо, дзіцячы сад і школа.
Цяпер чытаюць
Лосік расказаў, як Бабарыку катавалі ў наваполацкай калоніі3
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары