Polšča ŭviała sankcyi suprać jašče adnoj kampanii, jakaja pastaŭlaje biełaruskija ŭhnajeńni
4 sakavika Polšča ŭviała sankcyi suprać biełaruskaha pradpryjemstva «MietaTrejdynhPram», jakoje zajmajecca pastaŭkami karbamidu (mačaviny) u Polšču. Heta vynikaje z sankcyjnaha śpisu Ministerstva ŭnutranych spraŭ i administracyi Polščy, piša «Radyjo Svaboda».
Kampanija «MietaTrejdynhPram» pačała svaju dziejnaść u krasaviku 2024 hoda, vynikaje ź jaje sajta. U rehistracyjnych źviestkach u jakaści vidu dziejnaści kampanii byŭ paznačany aptovy handal. Jak paviedamlajecca na sajcie kampanii, u žniŭni 2024 hoda jana pačała vytvorčaść uhnajeńniaŭ, u listapadzie 2024 hoda kampanija dadała «vytvorčaść uhnajeńniaŭ» u rehistracyjnyja źviestki.
Z kastryčnika 2024 hoda kampanija vystupaje eksparcioram u Polšču ź Biełarusi karbamidu pramysłovaha pryznačeńnia.
U sankcyjnym śpisie Ministerstva ŭnutranych spraŭ i administracyi Polščy adznačajecca, što pramysłovaja vytvorčaść vyšejzhadanaj pradukcyi charakternaja dla «vielmi bujnych pramysłovych pradpryjemstvaŭ», bo ŭstanoŭki dla ich vytvorčaści źjaŭlajucca «składanaj bujnamaštabnaj chimičnaj sistemaj», zajmajuć vialikija płoščy «ŭ niekalki hiektaraŭ», a sami «pavinny adpaviadać strohim standartam biaśpieki i achovy navakolnaha asiarodździa».
«Stvareńnie śpiecyjalizavanych vytvorčych ustanovak źjaŭlajecca pracajomkaj i zatratnaj praceduraj, a rezka pieramiaścić abo arhanizavać vytvorčaść hetaj pradukcyi niemahčyma», — havorycca ŭ paviedamleńni.
Z hetaha viedamstva zrabiła vysnovu, što sapraŭdny vytvorca ŭhnajeńniaŭ — pradpryjemstva «Hrodna Azot», jakoje źjaŭlajecca klučavym pastaŭščykom azotnych uhnajeńniaŭ u rehijonie.
Kampanija «MietaTrejdynhPram», na dumku viedamstva, vystupaje tolki pasiarednikam pry realizacyi karbamidu, vyrablenaha na pradpryjemstvie «Hrodna Azot», jakoje z 2 śniežnia 2021 hoda ŭklučanaje ŭ sankcyjny śpis Jeŭrasajuza, havorycca ŭ abhruntavańni sankcyj suprać «MietaTrejdynhPram».
Kampaniju čakaje zamarožvańnie ŭsich srodkaŭ i ekanamičnych resursaŭ, zabarona na nadańnie lubych srodkaŭ ci ekanamičnych resursaŭ i vyklučeńnie z pracedury polskich dziaržaŭnych zakupak ci konkursnych pracedur.
Raniej Polšča taksama ŭviała sankcyi suprać zarehistravanych u Biełarusi kampanij «NFT», «TechnaśpiectrejndynhEkspart» i «Technaśpiectrejndynh», a taksama suprać kampanij LLC World Chem Trading Co. (zarehistravanaja ŭ Dubai) i zarehistravanaj na Kipry Rostumel Holding Limited. Usie hetyja kampanii taksama zajmalisia ekspartam u Polšču mačaviny i nitratu amoniju ŭ vodnym abo amijačnym rastvory, ale sami ich nie vyrablali.
Staŭ viadomy pamier myta, jakoje Jeŭrakamisija prapanuje ŭvieści na sielhaspradukcyju i azotnyja ŭhnajeńni ź Biełarusi i Rasii
Rabotnikam «Hrodna Azot» pahražajuć zvalnieńniami za smartfony na pracy
«Hrodna Azot» pastaŭlaŭ svaje ŭhnajeńni va Ukrainu jak nibyta turkmienskija
«Hrodna Azot» raskazaŭ, jak źmianiŭ stratehiju prodažaŭ z-za sankcyj
Ciapier čytajuć
Kaardynatara pošukavaha atrada «Anioł» pasadzili za palityku1
Kamientary