«Hrodna Azot» raskazaŭ, jak źmianiŭ stratehiju prodažaŭ z-za sankcyj
Pradpryjemstva za apošni hod na tracinu naraściła pastaŭki pradukcyi ŭ Rasiju.
U vyniku ŭdałosia zaniać na susiednim rynku dolu 10% u nišy ŭhnajeńniaŭ KAS (karbamida-amijačnaj sumiesi). Pra heta glavagronom.ru raspavioŭ namieśnik hiendyrektara pa kamiercyjnych pytańniach AAT «Hrodna Azot» Alaksiej Stračenia.
Sa słoŭ mieniedžara, ciapier bolš za 2/3 svajoj pradukcyi zavod pastaŭlaje na ŭnutrany rynak. Adnak davodzicca ŭličvać, što sielskahaspadarčyja pradpryjemstvy krainy vybirajuć kvoty na pastaŭku minieralnych uhnajeńniaŭ z pradpryjemstvaŭ kancerna «Biełnaftachim» i AAT «Biełaruśkalij» usiaho na 70%.
Heta matyvuje znachodzić mahčymaści dla ekspartu ŭ dalokaje zamiežža. I ciapier pradpryjemstva pieravalvaje ŭhnajeńni ŭ 15 terminałach Bałtyjskaha i Azoŭskaha moraŭ.
Pakolki transpartnaje plačo ŭ ekspartnych pastaŭkach u apošnija hady pavialičyłasia ŭ 2-4 razy, pradpryjemstva značna pašyryła ŭłasny aŭtapark. U pryvatnaści, udałosia nabyć 350 cysternaŭ dla vadkich azotnych uhnajeńniaŭ, 300 minierałavozaŭ, 100 cysternaŭ dla pieravozki amijaku.
U vyniku za 1,5 hoda pryraśli va ŭłasnym ruchomym składzie ŭ 1,5 razy (da 2000 adzinak). Akramia taho, pradpryjemstva stvaryła ŭłasnyja mahutnaści pa fasoŭcy nasypnych azotnych uhnajeńniaŭ. Ciapier pałova ekspartu adhružajecca ŭ fasavanym vyhladzie», — raspavioŭ Alaksiej Stračenia.
Śpiecyjalisty «Hrodna Azota» prahnazujuć, što ŭ najbližejšy čas ekspart azotnych uhnajeńniaŭ buduć strymlivać try tendencyi: rost cany na haz, vysokaja zahružanaść rasijskich čyhunak i rost čyhunačnych taryfaŭ.
Ciapier čytajuć
Zała ŭ Minsku ŭstała pry vykanańni «Malitvy» Janki Kupały VIDEA3
Kamientary