Tramp i Pucin mohuć damovicca pra spynieńnie ahniu da Vialikadnia ci 9 maja
Vydańnie Financial Times parazmaŭlała z zachodnimi i ŭkrainskimi čynoŭnikami paśla taho, jak prezident ZŠA Donald Tramp rezka pierakreśliŭ palityku izalacyi Rasii i navažyŭsia pačać abmiarkoŭvać svaje mirnyja inicyjatyvy z kiraŭnikom Rasii Uładzimiram Pucinym. Siarod inšaha častka surazmoŭcaŭ haziety nazvała i mahčymyja terminy spynieńnia ahniu.
Damahčysia spynieńnia ahniu Donald Tramp i Uładzimir Pucin, vierahodna, pasprabujuć da adnoj ź dźviuch značnych dat: da Vialikadnia, jaki pravasłaŭnyja i kataliki sioleta adznačajuć u adzin dzień — 20 krasavika, ci da 9 traŭnia. U Kramli, darečy, jakraz adznačyli, što Pucin «budzie rady vitać Trampa na śviatkavańni 80-hodździa Pieramohi» ŭ Maskvie.
Vydańnie taksama parazmaŭlała z byłym vysokapastaŭlenym rasijskim čynoŭnikam, jaki miarkuje, što «amierykancy narešcie surjozna staviacca da situacyi». Ź jahonych słoŭ, kali płan małankavaj pieramohi pravaliŭsia, rasijskaje kiraŭnictva chutka ŭśviadomiła «realnaje stanovišča spraŭ» i sam Pucin «pazbaviŭsia ad iluzij praz try dni paśla pačatku vajny».
Cituacyja ciapier vyhladaje našmat bolš spryjalnaj dla Pucina, čym kali-niebudź za apošnija try hady vajny, tłumačyć FT dyrektar Bierlinskaha centra Karniehi pa vyvučeńni Rasii i Jeŭrazii Alaksandr Habujeŭ:
«Kali ZŠA ŭ adnabakovym paradku spyniać svaju vajskovuju i dypłamatyčnuju padtrymku, a taksama abmien raźvieddanymi, to Ukraina apyniecca ŭ vielmi ciažkim stanoviščy. I z hetaha stanovišča budzie ciažka vybracca, navat kali jeŭrapiejcy prajaviać bolš ŭciahnutaści».
Samaje hałoŭnaje dla Rasii — kab Ukraina mieła maksimalna słabyja harantyi biaśpieki, dadaje ekśpiert.
Prafiesar Nacyjanalna-daśledčaha ŭniviersiteta Vyšejšaj škoły ekanomiki Dźmitryj Trenin zajaviŭ, što Rasija surjozna stavicca da nieabchodnaści «raźviazać ukrainskaje pytańnie» i «nie imkniecca da miru». Kali Tramp nie pojdzie na ŭsie ŭmovy Pucina, vajna praciahniecca.
Luboje šyrokamaštabnaje pahadnieńnie zapatrabuje značnaha ŭdziełu krain NATA i samoj Ukrainy, ličyć staršy navukovy supracoŭnik amierykanskaj daśledčaj arhanizacyi RAND Semiueł Šarap. I pakul što rana kazać, da jakich sastupak hatovy Tramp, — dla hetaha jamu spatrebicca atrymać padtrymku Ukrainy i svaich sajuźnikaŭ, asabliva ŭ składanych i sprečnych pytańniach, havoryć analityk.
Ukraina pavinna pasłać Trampa za rasijskim vajskovym karablom — krynica The Times u Minabarony Brytanii
«Mnie zdajecca, što ja ŭ bolšaj realnaści znachodžusia». Zialenski padzialiŭsia padrabiaznaściami svajoj učarašniaj razmovy z Trampam
Paśla razmovy Trampa z Pucinym jeŭrapiejskija palityki vystupili z ahulnaj zajavaj pa Ukrainie
Tramp i jaho kamanda zapeŭnivajuć, što nie płanujuć spyniać padtrymku Ukrainy
«Horš za Miunchien». Reakcyja jeŭrapiejskich palitykaŭ na zajavy Trampa ab pieramovach z Pucinym
Tramp raskazaŭ pra razmovu z Pucinym i nazvaŭ ludziej, jakija ŭznačalać pieramovy z Rasijaj
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič13
Kamientary