Tramp i jaho kamanda zapeŭnivajuć, što nie płanujuć spyniać padtrymku Ukrainy
Takaja zajava Trampa prahučała na pres-kanfierencyi ŭ Avalnym kabiniecie ŭviečary 12 lutaha, piša «Jeŭrapiejskaja praŭda».
Pa słovach Trampa, ZŠA buduć padtrymlivać Ukrainu, ale chočuć, kab ich hrošy byli «u biaśpiecy».
«Kali b my hetaha nie rabili, to Pucin skazaŭ by, što atrymaŭ pieramohu. My — siła, jakaja strymlivaje heta. I, ščyra kažučy, my budziem rabić heta tak doŭha, jak pryjdziecca, tamu što my nie chočam dazvolić zdarycca inšamu», — skazaŭ Tramp.
Prezident ZŠA dadaŭ, što «prezident Pucin zaraz choča miru, i heta dobra. Pry Bajdenie jon nie chacieŭ miru».
Ministr finansaŭ Skot Biensent u Kijevie zajaviŭ, što pahadnieńnie, jakoje abmiarkoŭvajecca, daść Ukrainie «dalejšyja harantyi amierykanskaj dapamohi», a taksama budzie mocnym sihnałam rasijskamu kiraŭnictvu ab amierykanskich abaviazacielstvach.
12 lutaha stała viadoma pra razmovy Trampa i z Pucinym, i ź Zialenskim. Viadoma, što razmova ź Zialenskim ciahnułasia kala hadziny, ale jaje padrabiaznaści publična nieviadomy.
Z Pucinym Tramp abmierkavaŭ «mocnyja baki ich nacyj i vialikuju vyhadu, jakuju jany kali-niebudź atrymajuć ad sumiesnaj pracy».
Tady ž stała viadoma, što Tramp i Pucin mohuć sustrecca ŭ Saudaŭskaj Aravii.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary