Tramp dazvoliŭ podkup zamiežnych čynoŭnikaŭ dla vyhod amierykanskaha biznesu
Prezident ZŠA Donald Tramp dziela «ekanamičnaj kankurentazdolnaści ZŠA» prypyniŭ dziejańnie zakona, jaki zabaraniaje amierykancam davać chabar zamiežnym čynoŭnikam.
Donald Tramp padpisaŭ ukaz, jaki pradpisvaje Miniustu ZŠA spynić pieraśled amierykancaŭ, što abvinavačvajucca ŭ dačy chabaru zamiežnym čynoŭnikam z metaj atrymać biznes-pieravahi. Ukaz spyniajecca da taho času, pakul nie buduć novyja instrukcyi pa jaho ŭžyvańni, nakiravanyja na padtrymku kankurentazdolnaści amierykanskaha biznesu.
Na dumku Biełaha doma, ciapierašni zakon stavić amierykanskija kampanii ŭ niavyhadnaje stanovišča ŭ paraŭnańni z zamiežnymi kankurentami, bo zabaraniaje im udzielničać u praktycy, jakaja źjaŭlajecca «zvyčajnaj siarod mižnarodnych kampanij».
U dakumiencie taksama paznačana, što hety zakon pieraškadžaje dasiahnieńniu zamiežnapalityčnych metaŭ Vašynhtona.
«Nacyjanalnaja biaśpieka ZŠA šmat u čym zaležyć ad stratehičnych biznes-pieravah, uklučajučy zdabyču karysnych vykapniaŭ, kiravańnie hłybakavodnymi partami i kantrol nad klučavymi abjektami infrastruktury», — havorycca va ŭkazie.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
Čto etot pieriec vyvierniet zavtra?