Časopis Time na svajoj novaj vokładcy pasadziŭ Iłana Maska za prezidencki stoł
Amierykanski časopis Time vypuściŭ lutaŭski numar z vokładkaj, na jakoj namalavany miljanier Iłan Mask u prezidenckim kreśle. Prezident ZŠA Donald Tramp užo adreahavaŭ na heta, paviedamlaje The New York Times.
7 lutaha Tramp sustrakaŭsia z premjer-ministram Japonii. Padčas hetaj sustrečy adzin z reparcioraŭ zapytaŭsia ŭ prezidenta ZŠA, ci jość u jaho jakaja-niebudź reakcyja na novuju vokładku časopisa Time, na jakoj vyjaŭleny «Iłan Mask, jaki siadzić za vašym pracoŭnym stałom».
U adkaz Tramp zajaviŭ: «Nie». Zatym jon dadaŭ: «Časopis Time usio jašče isnuje? Ja navat nie viedaŭ pra heta».
U NYT nahadali, što Tramp maje daŭniuju zacyklenaść na vokładkach časopisa Time. Jon nibyta zaŭsiody ličyŭ vokładku časopisa pakazčykam svajho statusu da takoj stupieni, što navat prydumlaŭ falšyvyja viersii sa svaim malunkam na vokładcy.
Letaś časopis Time abraŭ Donalda Trampa Čałaviekam hoda.
Miljarder Iłan Mask u apošni čas aktyŭna zaniaŭsia palitykaj, prajaviŭšy siabie jak vialiki prychilnik Donalda Trampa. Paśla pieramohi Trampa na vybarach jon uznačaliŭ stvorany śpiecyjalna pad jaho Departamient efiektyŭnaści dziaržaŭnaha kiravańnia. Ale hetym jahonaja palityčnaja dziejnaść nie abmiažoŭvajecca — za niapoŭnyja try tydni novaj kadencyi Trampa jon paśpieŭ užo zaśviacicca ŭ mnohich skandalnych palityčnych akcyjach jak u ZŠA, tak i za jaje miežami. Tak, na inaŭhuracyi Trampa ščaślivy Mask vykanaŭ žest, padobny na nacysckaje pryvitańnie, a taksama aktyŭna ŭmiešvajecca ŭ vybarčuju kampaniju ŭ hiermanski Bundestah, padtrymlivajučy krajniepravuju «Alternatyvu dla Hiermanii».
Prodažy Tesla na jeŭrapiejskich rynkach surjozna ŭpali — mahčyma, z-za reputacyi Maska
«Chacieŭ chajpu, a atrymaŭ abvinavačańnie ŭ prapahandzie nacyzmu». Hutarka ź biełarusam, jaki namalavaŭ zihujučaha Maska ŭ centry Varšavy
Iłan Mask vystupiŭ na pieradvybarnym mierapryjemstvie «Alternatyvy dla Hiermanii»
«Hańba Jołupu Srolcu!» Iłan Mask abraziŭ niamieckaha kanclera
Najbolš ščaślivym na inaŭhuracyi Trampa vyhladaŭ Iłan Mask VIDEA
Mask adreahavaŭ na abvinavačańni, što jon pakazaŭ nacyscki žest
Łatvija «pa techničnych pryčynach» zakryła miažu ź Biełaruśsiu12
Kamientary