Iłan Mask vystupiŭ na pieradvybarnym mierapryjemstvie «Alternatyvy dla Hiermanii»
Amierykanski miljarder i palityčny paplečnik Donalda Trampa Iłan Mask vystupiŭ praź videasuviaź na pieradvybarnym mierapryjemstvie pravaradykalnaj partyi «Alternatyva dla Hiermanii». Zapis vystupu vykładzieny ŭ sacsietcy X kiraŭnicaj hetaj partyi Alisaj Vajdel, piša «Radyjo Svaboda».
Mierapryjemstva adbyłosia va ŭschodniehiermanskim horadzie Hale 25 studzienia i stała aficyjnym startam pieradvybarnaj kampanii partyi ŭ Bundestah. Vystup Maska, paviedamlaje Welt, słuchali ŭ zale kala 4,5 tysiačy prychilnikaŭ «Alternatyvy dla Hiermanii».
Iłan Mask padčas vystupleńnia zajaviŭ prysutnym, što ŭchvalaje ich honar za prynaležnaść da hiermanskaj kultury: «My chočam, kab kultury ŭ śviecie byli roznymi». Jon raskrytykavaŭ niamiecki ŭrad, nazvaŭšy jaho niezacikaŭlenym u dabrabycie naroda i abvinavaciŭšy ŭ padaŭleńni svabody słova.
Akramia taho, Mask zaklikaŭ prysutnych «zmahacca, zmahacca, zmahacca» «za vialikuju budučyniu Hiermanii» i skazaŭ, što jany «nie pavinny adkazvać za pamyłki baćkoŭ ci navat pradziedaŭ» i być «zanadta zakłapočanyja histaryčnaj vinoj».
Pierad daterminovymi vybarami ŭ Bundestah «Alternatyva dla Hiermanii» pretenduje pryblizna na 20 pracentaŭ hałasoŭ vybarščykaŭ, pryvodzić pieradvybarčyja apytańni Politico.
Fiederalny kancler Hiermanii Ołaf Šolc napiaredadni nazvaŭ padtrymku «Alternatyva dla Hiermanii» Maskam «absalutna niedapuščalnaj».
«Jon padtrymlivaje vielmi pravych pa ŭsioj Jeŭropie, u Vialikabrytanii, u Hiermanii, u mnohich, mnohich inšych krainach, i heta całkam nieprymalna… Heta stavić pad pahrozu demakratyčnaje raźvićcio Jeŭropy, heta stavić pad pahrozu našu supolnaść», — cytuje kiraŭnika ŭrada AP.
Na inaŭhuracyi prezidenta ZŠA Donalda Trampa 20 studzienia Mask u svajoj pramovie dziakavaŭ vybarščykam Trampa, paśla čaho prykłaŭ ruku da serca, a zatym kinuŭ jaje ŭvierch. Takim žestam raniej u ZŠA supravadžali klatvu viernaści ZŠA, ale ŭ 1942 hodzie jaho zamianili žestam ruki na serca. Mnohim žest u vykanańni Maska nahadaŭ nacysckaje pryvitańnie.
«Hańba Jołupu Srolcu!» Iłan Mask abraziŭ niamieckaha kanclera
«Uskryłasia kansierva: Iłan Mask — typovy BČBšnik!» Najlepšyja miemy pra inaŭhuracyju Trampa ad biełarusaŭ i inšych
Mask adreahavaŭ na abvinavačańni, što jon pakazaŭ nacyscki žest
Najbolš ščaślivym na inaŭhuracyi Trampa vyhladaŭ Iłan Mask VIDEA
Ciapier čytajuć
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4343
Kamientary