Pašynian: Armienija praciahnie pracavać u JEAES da taho času, pakul vybar pamiž ES i JEAES nie stanie niepaźbiežnym
A praviadzieńnie refierendumu pa hetym pytańni pakul niełahičnaje.
«U Jeŭrazijskim ekanamičnym sajuzie my pracujem i budziem praciahvać pracavać da taho momantu, kali vybar pamiž Jeŭrapiejskim sajuzam i Jeŭrazijskim ekanamičnym sajuzam stanie niepaźbiežnym. A rašeńnie, naturalna, pavinien budzie pryniać narod Respubliki Armienija šlacham refierendumu», — skazaŭ Pašynian u pramym efiry ŭ sacyjalnych sietkach, paviedamlaje «Dožd́».
Pavodle słoŭ Pašyniana, pakul Armienija aficyjna nie źvierniecca nakont ustupleńnia ŭ ES abo nie nablizicca da statusu kandydata na členstva ŭ ES, praviadzieńnie jakoha-niebudź refierendumu pa hetym pytańni niełahičnaje.
«Adpaviedna, my praciahniem spakojna, biez palemiki pracavać u JEAES. I ja ŭpeŭnieny, što ŭ hetym kirunku ŭ nas jašče jość patencyjał, jaki ŭ bližejšy čas vykarystajem», — skazaŭ jon.
Akramia taho, premjer-ministr adznačyŭ, što adnosiny Armienii i Rasii znachodziacca ŭ stadyi transfarmacyi i nazvaŭ heta pazityŭnaj źjavaj, «tamu što va ŭmovach novaj situacyi my vybudoŭvajem novyja adnosiny z Rasijaj».
«Ja ŭpeŭnieny, što nam heta ŭdasca, u tym liku tamu, što našy adnosiny z Rasijaj adkrytyja i ščyryja», — dadaŭ Pašynian.
29 maja pa vynikach pasiadžeńnia Vyšejšaha Jeŭrazijskaha ekanamičnaha savieta Armienii prapanavali vybrać pamiž ES i JEAES, pravioŭšy refierendum pa hetym pytańni ŭ «karotkija terminy».
7 červienia ŭ Armienii pavinny prajści parłamienckija vybary.
Rasija choča adpravić 100 tysiač armian u Armieniju, kab jany prahałasavali na parłamienckich vybarach suprać Pašyniana
«Kryzis va Ukrainie z hetaha pačaŭsia». Pucin u Astanie namiakaŭ na budučyja prablemy ŭ Armienii
Rasija, Biełaruś, Kazachstan i Kyrhyzstan zapatrabavali ad Armienii pravieści refierendum i vybrać pamiž Jeŭrapiejskim i Jeŭrazijskim sajuzami
Pasła Rasii ŭ Armienii adklikali ŭ Maskvu dla kansultacyj
Ciapier čytajuć
Prachadnyja bały ŭ miedycynskija ŭniviersitety ŭpieršyniu istotna ŭpali LIČBY1
Prachadnyja bały ŭ miedycynskija ŭniviersitety ŭpieršyniu istotna ŭpali LIČBY
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było55
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było5
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary