Fiederalnaha kanclera Hiermanii Ołafa Šolca paprasili prakamientavać žest miljardera Iłana Maska pravaj rukoj paśla inaŭhuracyi prezidenta ZŠA Trampa, vielmi padobny da nacysckaha pryvitańnia. Šolc abvinavaciŭ biznesmiena ŭ «vielmi pravych pohladach», a toj u adkaz apublikavaŭ abraźlivy post.
«U Jeŭropie i ŭ Hiermanii ŭ nas svaboda słova. Kožny moža kazać što choča, navat miljarder. Ale dla nas nieprymalnyja vypadki, kali havorka idzie pra padtrymku vielmi pravych pohladaŭ», — zajaviŭ Ołaf Šolc.
Iłan Mask napisaŭ u sacsietcy X adkaz: Shame on Oaf Schitz!
U hetym paviedamleńni naŭmysna zroblenyja pamyłki ŭ napisańni imia i proźvišča niamieckaha kanclera — pravilna budzie Olaf Scholz.
U tym varyjancie, jaki napisaŭ Mask, fraza pierakładajecca na biełaruskuju movu prykładna jak «Hańba Jołupu Srolcu!»
U svajoj pramovie paśla inaŭhuracyi Trampa Mask dziakavaŭ jahonym vybarščykam, paśla čaho prykłaŭ ruku da serca, a zatym kinuŭ jaje ŭvierch.
Takim žestam raniej u ZŠA supravadžali klatvu viernaści ZŠA. U 1942 hodzie jaho zamianili žestam ruki na serca.
Ciapier čytajuć
Biełarus zdymaje videa, jak kradzie adzieńnie i padroblivaje dakumienty ŭ Polščy. A jak zapachła smažanym, to kaža: usio dziela łajkaŭ1
Biełarus zdymaje videa, jak kradzie adzieńnie i padroblivaje dakumienty ŭ Polščy. A jak zapachła smažanym, to kaža: usio dziela łajkaŭ
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1919
Kamientary