Prodažy Tesla na jeŭrapiejskich rynkach surjozna ŭpali — mahčyma, z-za reputacyi Maska
U Hiermanii, Francyi i šerahu inšych jeŭrapiejskich krain prodažy elektramabilaŭ rezka źnizilisia.
U Hiermanii ŭ studzieni było zarehistravana tolki 1277 novych Tesla, što na 59% mienš, čym za anałahičny pieryjad minułaha hoda. Pry hetym u krainie znachodzicca adziny ŭ Jeŭropie zavod kampanii, zaznačaje Myfin.by.
Na hetym fonie niamiecki rynak elektramabilaŭ u studzieni vyras bolš čym na 50%, z-za čaho dola Tesla skaraciłasia z 14% da 4%. U Francyi prodažy ŭpali na 63% u paraŭnańni ź minułym hodam. U Narviehii kolkaść novych rehistracyj źmienšyłasia na 38%, a ŭ Vialikabrytanii — na 8%.
Aŭtamabilny analityk Matyjas Šmit miarkuje, što adnym z faktaraŭ źnižeńnia prodažaŭ u Hiermanii moža być čakańnie abnoŭlenaj madeli Y, jakaja vyjdzie ŭ pieršaj pałovie 2025 hoda.
Adnak inšyja analityki źviazvajuć padzieńnie prodažaŭ ź niehatyŭnaj reakcyjaj na palityčnuju dziejnaść Iłana Maska.
Napiaredadni pryznačanych na 23 lutaha fiederalnych vybaraŭ kiraŭnik Tesla adkryta padtrymaŭ ultrapravuju partyju «Alternatyva dla Hiermanii» (AfD), jakuju mnohija pradstaŭniki niamieckaha biźniesu, a taksama asnoŭnyja palityčnyja partyi krainy ličać «taksičnaj».
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
i čiem dalšie, tiem bolšie podtvierždienij ja połučał.
nu vot sobstvienno, k čiemu prišli vsie vidiat.
1) užo najelisia
2) admianili datacyi
3) ahulny kryzis u Jeŭropie, tamu daražeznyja mašyny kuplajuć mienš
“niamiecki rynak elektramabilaŭ u studzieni vyras bolš čym na 50%”