Palitviaźnia pačynajuć sudzić praz dva hady paśla aryštu. Ź jaho zachoplenaha akaŭnta hubazikaŭcy palivajuć Azarava i «Bajpoł»
Maksima Jermałoviča zatrymali jašče ŭ studzieni 2023 hoda. Tady hubazikaŭcy śćviardžali, što jon pavioŭsia na fejkavuju rassyłku płana «Pieramoha». Ciapier chłopca pačynajuć sudzić — pahražaje da šaści hadoŭ kałonii. Na žal, sprava znoŭ u nieabaronienym akaŭncie.
Maksimu Jermałoviču, kali mierkavać pa sacsietkach, 31 hod. Jon rodam ź vioski Stajki (chutčej za ŭsio, Baranavickaha rajona).
Skončyŭ miechanika-technałahičny fakultet Biełaruskaha nacyjanalnaha techničnaha ŭniviersiteta.
Pra jaho zatrymańnie siłaviki paviedamili ŭ studzieni 2023 hoda. Tady jany śćviardžali, što chłopiec pavioŭsia na fejkavuju rassyłku płana «Pieramoha», jakuju rabiŭ HUBAZiK.
Akaŭnt Jermałoviča dahetul aktyŭny, i niechta pakidaje ź jaho kamienty. My schilnyja ličyć, što hetym zajmajecca HUBAZiK, bo zatrymlivali Maksima mienavita jany, a ŭsie kamientary z akaŭnta pryśviečanyja krytycy ŭdzielnikaŭ «Bajpoła», u kiraŭnictvie jakoha byłyja hubazikaŭcy.
Na žal, Jermałovič nie moh abaranicca ŭ svajoj situacyi. Kali jon pavioŭsia na fejkavuju rassyłku i pieradaŭ botu svoj ID dy telefonny numar, to nijakaja abarona niemahčymaja.
My nie viedajem, dzie Maksim Jermałovič byŭ sa studzienia 2023 pa studzień 2025. Całkam vierahodna, što ŭ SIZA, ale mahčymyja i inšyja varyjanty.
Admietna, što ŭ krasaviku 2024 niechta zamaŭlaŭ «Pašyrany pošuk» pa jahonym numary telefona ŭ rasijskim telehram-bocie «Voka Boha», jakim karystajucca siłaviki.
Jermałoviča pačynajuć sudzić 11 lutaha 2025 hoda ŭ Minskim haradskim sudzie. Abvinavačvajuć Jermałoviča pa dvuch artykułach — «abraza pradstaŭnika ŭłady» (art. 369 KK) i «ŭdzieł u ekstremisckim farmiravańni» (č. 3 art. 361-1 KK). Jamu pahražaje da šaści hadoŭ kałonii.
«Naša Niva» — bastyjon biełaruščyny
PADTRYMAĆCiapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ2
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary