Arhazm-miedytacyju jana zrabiła svajoj spravaj žyćcia. Ciapier jaje buduć sudzić
Nikol Dedon — amierykanskaja biznesvumen i stvaralnica OneTaste, arhanizacyi, jakaja doŭhi čas papularyzavała praktyku arhazm-miedytacyi. Ciapier arhanizacyja i sama Dedon apynulisia ŭ centry skandału.
Jak piša The Wall Street Journal, arhazm-miedytacyja (AM) u razumieńni Nikol Dedon (Nicole Daedone) — heta praktyka, jakaja spryjaje raźvićciu śviadomaści, tvorčaha patencyjału i vyzvaleńniu ad seksualnych tabu.
Klučavym elemientam AM źjaŭlajecca masaž klitara pavodle peŭnaj mietodyki. Kali koratka, to jana palahaje ŭ tym, što žančyna ahalajecca ad pojasa ŭniz i lažyć na paduškach, u toj čas jak partnior (zvyčajna mužčyna) dakranajecca da jaje klitara i źlohku masiruje jaho na praciahu 15 chvilin.
Chto takaja Dedon i jak źjaviłasia ideja arhazm-miedytacyi?
Nikol Dedon naradziłasia ŭ Łos-Hatasie, štat Kalifornija, u siamji maci-adzinočki. U junactvie jana vyvučała hiendar i siemantyku va ŭniviersitecie, a taksama sprabavała siabie ŭ roznych prafiesijach, u tym liku ŭ mastactvie.
Na peŭnym etapie jana zadumała stać budysckaj manaškaj. Ale paśla znajomstva z huru ŭ śfiery seksualnaści Rejem Vieterlejnam (Ray Vetterlein) vyrašyła pajści ŭ inšym kirunku.
U 2004 hodzie razam ź biznes-partnioram jana zasnavała OneTaste — arhanizacyju, nazva jakoj pachodzić ad budysckaj fiłasofskaj idei pra ŭniviersalny «smak vyzvaleńnia». Praź niekalki hadoŭ OneTaste pieratvaryŭsia ŭ biznes ź miljonnymi prybytkami.
Arhanizacyja zdabyła dziasiatki tysiač prychilnikaŭ, a na piku dziejnaści mieła bolš za 1500 supracoŭnikaŭ i navučencaŭ, jakija žyli ŭ «damach arhazm-miedytacyi». Hetyja kamuny charaktaryzavalisia kalektyŭnym ładam žyćcia i častymi zaniatkami AM.
U adzin z najbolš paśpiachovych pieryjadaŭ hadavy prybytak arhanizacyi pieravyšaŭ 11 miljonaŭ dołaraŭ.
Abvinavačańni suprać OneTaste
Niahledziačy na pośpiech, OneTaste pastajanna sutykałasia z abvinavačańniami ŭ parušeńni etyčnych i pravavych normaŭ. U 2018 hodzie ŭ rasśledavańni Bloomberg śćviardžałasia, što kampanija vykarystoŭvała taktyku prymusu, ekspłuatavała svaich supracoŭnikaŭ i stvarała atmaśfieru, jakaja nahadvała relihijny kult.
U 2023 hodzie Ministerstva justycyi ZŠA abvinavaciła Dedon i kiraŭnicu adździeła prodažaŭ Rejčeł Červic u ekspłuatacyi. Pavodle zajaŭ prakuratury, supracoŭniki OneTaste padviarhalisia psichałahičnamu presinhu i prymušalisia pravodzić kursy navat za košt svaich ułasnych srodkaŭ.
Znachodžańnie ŭ «damach AM» charaktaryzavałasia razmyćciom miežaŭ pamiž asabistym i pracoŭnym žyćciom. Udzielnikaŭ zaachvočvali ŭdzielničać u štodzionnych arhazmava-miedytacyjnych siesijach, što, pavodle śviedčańniaŭ, časta pieratvarałasia ŭ formu seksualnaha prymusu.
Dedon admoviłasia pryznać siabie vinavataj: jana zajaŭlaje, što abvinavačańni bazujucca na vybaračnych pakazańniach. Jaje jurysty śćviardžajuć, što ŭdzielniki OneTaste byli darosłymi ludźmi, jakija śviadoma i dobraachvotna ŭdzielničali ŭ AM.
Prychilnicy Dedon śćviardžajuć, što kampanija i jaje zasnavalnica stali achviarami niespraviadlivych abvinavačańniaŭ. Jany zajaŭlajuć, što AM dapamahła tysiačam žančyn raskryć svoj patencyjał i adnavić pryniaćcie siabie. Niekatoryja ŭdzielniki vystupajuć na sudovych pasiadžeńniach u abaronu Dedon, nazyvajučy jaje čałaviekam, jaki źmianiŭ ich žyćcio.
Na fonie sudovych pracesaŭ kampanija OneTaste aficyjna spyniła bolšaść svaich apieracyj, ale praciahvaje akazvać pasłuhi, pieravažna anłajn. Sama Nikol Dedon zajaviła, što płanuje praciahvać svaju dziejnaść, navat kali pryjdziecca rabić heta z turmy.
Ciapier čytajuć
Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy25
Kamientary
Točno takžie siejčas s normalnym sieksom v štatach. Nasielenije uvieličivajetsia tolko za sčiet mihrantov. A tut jeŝie i poviestočka. Priedłoži choť čto-to v hietiero napravlenii, i uśpiech obieśpiečien. Poetomu i ros biźnies u nieje kak na drožžach.