Novaje daśledavańnie stavić pad sumnieŭ raspaŭsiudžanyja ŭjaŭleńni ab pieravahach hledačoŭ porna

Kantent-analiz vizualnaj parnahrafii niaźmienna pakazvaje, što demanstracyja mužčynskaha arhazmu i ejakulacyi značna bolš raspaŭsiudžana, čym sceny žanočaha arhazmu. Pry hetym stvaralniki takoha kantentu, u bolšaści svajoj mužčyny, addajuć pieravahu pakazu nietradycyjnych miescaŭ dla siemiavyviaržeńnia.

Sposab zaviaršeńnia mužčynam pałavoha aktu časam razhladajecca jak prajava ahresii. Ejakulacyju na tvar ci ŭ rot niekatoryja fieministki ličać simvałami žadańnia mužčyn seksualna daminavać i navat žančynanienaviśnictva. Adnak da hetaha času było mała viadoma pra realnyja pieravahi hledačoŭ porna adnosna padobnych scen.

Novaje daśledavańnie, vyniki jakoha apublikavanyja ŭ navukovym časopisie Sexes, vyśvietliła, jakim čynam hledačy, jak mužčyny, tak i žančyny, usprymajuć mužčynskuju ejakulacyju ŭ filmach dla darosłych.

Dla svajho daśledavańnia navukoŭcy praz anłajn-płatformy i Facebook adabrali ŭdzielnikaŭ (mužčyn, žančyn i niebinarnych ludziej) z 55 krain. Udzielniki musili być starejšymi za 18 hadoŭ i rehularna hladzieć anłajn-parnahrafiju.

Z udzielnikami pravodziłasia ananimnaje anłajn-intervju praz Skype praciahłaściu ad 30 da 120 chvilin. U čas razmovy daśledčyki asnoŭnuju ŭvahu źviartali na pytańni važnaści ŭ pornafilmie sceny mužčynskaj ejakulacyi i pieravahach hledača adnosna taho, kudy mužčyna kančaje.

Jak pišuć aŭtary, kala pałovy apytanych vykazali abyjakavaść da sceny mužčynskaj ejakulacyi. Asabliva šmat takich było siarod hieteraseksualnych mužčyn. Pryčym značnaja ich kolkaść zajaviła, što spyniała prahlad da taho, jak u hieroja filma nastupaŭ arhazm.

Navukoŭcy vyśvietlili, što najbolš papularnym miescam dla ejakulacyi byŭ kłasičny varyjant (pochva partniorki). Pra heta vykazałasia 37% usich apytanych i amal kožnaja druhaja žančyna. Tolki kala 17% usich apytanych pryznalisia, što im padabajecca nazirać sceny, dzie mužčyna kančaje na cieła partniorki ci partniora ci ŭ rot.

Pry hetym ejakulacyju na tvar chacieli bačyć mienš za 10% apytanych, ź ich zusim małaja dola žančyn. Da taho ž, takaja praktyka vyklikała rezkuju niehatyŭnuju reakcyju z boku ŭdzielnikaŭ apytańnia. Jany apisvali jaje jak niepryvabnuju i navat ahidnuju.

Akramia hetaha, daśledčyki zaŭvažyli cikavyja adroźnieńni ŭ pieravahach u zaležnaści ad kultury i połu respandentaŭ.

Tradycyjny sposab ejakulacyi mieŭ bolš prychilnikaŭ siarod udzielnikaŭ apytańnia z Paŭdniovaj Azii i Afryki. Mahčyma, ličać vučonyja, heta źviazana z toj uvahaj, jakuju nadajuć u hetych rehijonach śpiermie i pohladu na toje, što jaje marnaje pralićcio asłablaje mužčyn.

A voś žychary Blizkaha Uschodu žadali bačyć ejakulacyju na cieła ci tvar partniorcy. Mahčymaje tłumačeńnie hetaha ŭ tym, što ŭ kulturach hetaha rehijona mužčynskamu arhazmu nadajecca vialikaje značeńnie, i hledačy chočuć bačyć dokazy taho, što jon adbyŭsia.

Aŭtary adznačajuć, što atrymanyja imi vyniki razychodziacca z tym, što ŭ svajoj pieravažnaj bolšaści pakazvajuć hledaču aŭtary pornafilmaŭ. Akramia hetaha, jano prademanstravała, što pieravahi mužčyn i žančyn, amataraŭ porna, nie istotna adroźnivajucca, i fieministki nie majuć racyi, kali abvinavačvajuć mužčyn u žadańni vykarystać tvar ci rot žančyny dla jaje prynižeńnia.

Čytajcie jašče:

U časie seksu bolš dumaješ pra toje, jak vyhladaješ, čym pra zadavalnieńnie? Kamientuje seksołah

Ci zaležyć seksualnaść ad nacyjanalnaści?

Jak vypravić «razryŭ miž arhazmami»

Navukoŭcy vyśvietlili, u jakoj pozie žančyny čaściej za ŭsio atrymlivajuć arhazm

• 18
• 0
• 16
• 14
• 11
• 1
• 5
• 0