Hienštab Uzbrojenych sił Ukrainy raspracoŭvaje ŭłasnuju sistemu supraćpavietranaj abarony (SPA) i supraćrakietnaj abarony (SRA), jakaja zmoža pierachoplivać rasijskija balistyčnyja rakiety «Arešnik», raskazaŭ hałoŭnakamandujučy Uzbrojenymi siłami Ukrainy (USU) Alaksandr Syrski.
Pa słovach Alaksandra Syrskaha, raśpijaranaja Uładzimiram Pucinym balistyčnaja rakieta «Arešnik» źjaŭlajecca pahrozaj dla Ukrainy i ciapier jaje mohuć źbić tolki niekalki sistem SPA. Jon paviedamiŭ, što ŭ krainie pakul niama takich sistem, «ale my pavinny zrabić usio, kab jany źjavilisia».
«Heta nas padachvočvaje da stvareńnia ŭłasnaj sistemy supraćpavietranaj abarony, jakaja była b nie prosta supraćpavietranaj, a supraćrakietnaj sistemaj. Heta padachvočvaje nas aktyŭna vieści i pieramovy z sajuźnikami, kab atrymać takuju sistemu. I, viadoma, heta pavinna zaachvocić nas da stvareńnia sučasnaj rakietnaj sistemy, jakaja mahła b być strymalnym faktaram suprać prymianieńnia takoj zbroi rasiejcami», — zajaviŭ Syrski ŭ intervju telekanału TSN.
Jon taksama dadaŭ, što ciapier viadziecca aktyŭnaja praca pa stvareńni va Ukrainie takich efiektyŭnych supraćrakietnych sistem, a taksama vykazaŭ nadzieju, što ŭ najbližejšy čas budzie atrymany žadany vynik.
KNDR abjaviła pra zapusk svajho «Arešnika»
Rasija nie moža rabić «Arešnik» biez zachodnich technałohij
Ukrainskija ekśpierty razabralisia, z čaho zrabili rasijski «Arešnik»
«Ludzi hinuć, a jamu «cikava»… D*****b». Ukrainskaje kiraŭnictva pry kamientavańni inicyjatyŭ Pucina nie padbiraje słoŭ
Pucin prapanavaŭ Zachadu duel: atačyć Kijeŭ siłami SPA i ŭdaryć pa im «Arešnikam»
«Šuhanuć Bierlin dy inšych jeŭrapiejcaŭ». Pucinski «Arešnik» moža być tolki zrežysiravanym šou
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary