Pucin prapanavaŭ Zachadu duel: atačyć Kijeŭ siłami SPA i ŭdaryć pa im «Arešnikam»
Uładzimir Pucin nastojliva davodzić, što roŭnych rakietnaj sistemie «Arešnik» u śviecie niama, i źbić jaho nichto nie ŭ stanie.
Prezident Rasii Uładzimir Pucin, vystupajučy na pramoj linii 19 śniežnia, zajaviŭ, što sistemy supraćpavietranaj abarony, jakija zaraz stajać u Jeŭropie, nie mohuć źbić rakiety sistemy «Arešnik». Tym ekśpiertam na Zachadzie, jakija nie vierać u mahčymaści «Arešnika», jon prapanavaŭ pravieści «vysokatechnałahičnuju duel XXI stahodździa».
«Chaj vyznačać niejki abjekt dla paražeńnia, skažam, u Kijevie, zasiarodziać tudy ŭsie svaje siły supraćpavietranaj abarony i supraćrakietnaj abarony, a my naniasiom tudy ŭdar «Arešnikam». I pahladzim, što budzie. My da takoha ekśpierymientu hatovy. Ci hatovy inšy bok?» — skazaŭ Pucin.
21 listapada Uzbrojenyja siły RF nanieśli rakietny ŭdar pa Dniapry, užyŭšy, pavodle Pucina, ekśpierymientalnuju balistyčnuju rakietnuju sistemu siaredniaj dalokaści «Arešnik». Pucin zajaviŭ, što pry masiravanym užyvańni rakiet sistemy «Arešnik» moc udaru budzie supastaŭnaja z užyvańniem jadziernaj zbroi.
-
Sustreča Trampa i Pucina budzie, ale nie fakt, što na nastupnym tydni
-
Sustreča Uitkafa z Pucinym była bolš praduktyŭnaj, čym čakałasia. Tramp nieadkładna sazvaniŭsia ź Zialenskim i lidarami Jeŭropy
-
«Vajna pavinna zaviaršycca. I heta pavinna być sumlennaje zaviaršeńnie». Zialenski raskazaŭ pra razmovu z Trampam
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary
Heta kali pucin puskaje rakietu pa schovancy Zielenskaha, a Zielenski - pa schovancy pucina.
I tam užo jak kamu pašancuje.
A toje, što jon prapanuje - heta rakłamnaja demanstracyja.