TikTok paviedamiŭ, što adnaŭlaje pracu servisu dla karystalnikaŭ u Złučanych Štatach.
U krasaviku 2024 hoda Kanhres ZŠA pryniaŭ zakon, jaki abaviazvaŭ kitajskuju kampaniju ByteDance pradać płatformu amierykanskaj kampanii. Inakš z 19 studzienia 2025 hoda sacsietku zabłakujuć. ByteDance nie pradała płatformu.
Tamu 19 studzienia ŭ ZŠA pierastaŭ pracavać TikTok.
Google i Apple vydalili prahramu sa svaich ličbavych kram u adpaviednaści z zakonam, jaki abaviazvaŭ ich zrabić heta, kali ByteDance nie pradaść svajo amierykanskaje padraździaleńnie da niadzieli. Zakon praduhledžvaŭ vialikija štrafy za nievykanańnie patrabavańniaŭ.
Paźniej Donald Tramp zajaviŭ u svajoj sacsietcy Truth Social, što płanuje vydać ukaz, kab dać maciarynskaj kampanii TikTok bolš času dla pošuku ŭchvalenaha pakupnika, pierš čym zabaranić TikTok u ZŠA. Jon napisaŭ taksama, što chacieŭ by, kab Złučanyja Štaty vałodali 50% akcyj sumiesnaj kampanii.
Kampanija ByteDance, jakaja kiruje TikTok, paviedamiła ŭ tvitary, što post Trampa daŭ «nieabchodnuju jasnaść i harantyi našym pastaŭščykam pasłuh u tym, što jany nie sutyknucca ź jakimi-niebudź štrafnymi sankcyjami za pradastaŭleńnie TikTok bolš čym 170 miljonam amierykancaŭ».
Nieŭzabavie paśla zajavy TikTok niekatoryja karystalniki paviedamili, što prykładańnie znoŭ zapracavała.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary