Hramadstva33

Na aŭkcyjon vystaŭlajuć siadzibu ŭ Padarosku, zabranuju ŭ miecenata

Na sajcie aŭkcyjonaŭ źjavilisia kala 20 łotaŭ pa vulicy Parkavaja, 4 u Padarosku Vaŭkavyskaha rajona, zaŭvažyŭ Hrodna.life. Heta roznyja abjekty siadziby Čačotaŭ-Bochvicaŭ, jakija raniej zabrali ŭ miecenata Paŭła Padkarytava.

Pałac u Padarosku da taho, jak jaho zabrali ŭ Paŭła Padkarytava. Fota: facebook.com/majontak.padarosk

Siarod łotaŭ — ujaznaja brama byłaja siadziba, ruiny stajni, chleŭ, kałodziež, kuźnia, prybiralnia, płaty, bramki i h. d.

Vystaŭlaje abjekty na aŭkcyjon adździeł kultury Vaŭkavyskaha rajonnaha vykanaŭčaha kamiteta, kankretnyja ceny pakul nie vyznačanyja.

Siadziba ŭ Padarosku, što ŭ Vaŭkavyskim rajonie, u daŭniejšyja časy naležała rodu Čačotaŭ i Bochvicaŭ.

Zaniadbany falvarak u 2013 hodzie vykupiŭ za 118 tysiač dalaraŭ rasijski inviestar ź biełaruskimi karaniami Pavieł Padkarytaŭ.

Pakul nie pačalisia prablemy, u adnaŭleńnie historyka-kulturnaj kaštoŭnaści było ŭkładziena bolš za 1 miljon dalaraŭ. Byŭ uparadkavany park, budynki, zroblena brama, daroha. Uviedzienaja sistema kanalizacyi i filtracyi.

Płanavałasia, što ŭ siadzibie budzie stvorany muziej biełaruskaj šlachty. Tam była razhornutaja časovaja ekspazicyja. Było adkryta 14 pakojaŭ. Prachodziła šmat ekskursij.

Prablemy ŭ turystyčnaha pradpryjemstva «Padarosk» źjavilisia ŭ 2022 hodzie, kali zatrymali jaho kiraŭnika Juryja Mielaškieviča.

Pad kryminalny pieraśled trapili taksama finansavy dyrektar Źmicier Karabač i buchhałtarka Volha Bałtrukievič. Im vystavili abvinavačańnie ŭ niaspłacie padatkaŭ i strachavych unioskaŭ z zarobkaŭ rabotnikaŭ amal na 400 000 rubloŭ. Juryj Mielaškievič pravioŭ pad vartaj paŭhoda i ŭ krasaviku 2023 hoda byŭ vyzvaleny pad paruku. Nieŭzabavie vyjšli na volu i inšyja fihuranty hetaj spravy, a kryminalnuju spravu ŭrešcie spynili.

U Paŭła Padkarytava majontak, adnak, zabrali. Pretenzii vystaviŭ Vaŭkavyski rajvykankam. Arhumientavali ich tym, što ŭsie budynki treba było ŭvieści ŭ ekspłuatacyju ciaham dvuch hadoŭ, to-bok da 2015-ha. Heta značyć — pravieści ŭsie inžyniernyja daśledavańni budynkaŭ, zrabić architekturna-budaŭničy prajekt, pravieści jaho ekśpiertyzu i vykanać usie budaŭniča-restaŭracyjnyja raboty pavodle prajekta.

Pry hetym da padziej 2020-ha «Majontak Padarosk» pracavaŭ dobra, adnosiny z uładami byli narmalnyja, pretenzij, u tym liku ekanamičnych, nie ŭźnikała.

Kamientary3

  • Hierastrat
    18.01.2025
    Čarhovy kazačny adnaroh źviazaŭsia z kałhasnaj bandaj i atrymaŭ toje, što i ŭsie astatnija adnarohi. I mnie jaho škada.
  • realna
    18.01.2025
    Za 9 hod tak karobka i stajała, muziej šlachty byŭ tolki ŭ hałovach, ale nie aficyjna... pryčym tut režym, kali abaviazalnictvy tak i nie byli vykanany. Bolš hrošaj pajšło na pijar, čym na sam budynak.
    • Vyfsievrietie
      18.01.2025
      realna, Pamiarkunyja sovki chotiat i višienku sjesť i v Evropie žiť. V sovkie žie vsie było biespłatno. I miedicina i usad́by. A jeśli za čto-to nado płatiť - vinovat režym.

Ciapier čytajuć

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej2

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Usie naviny →
Usie naviny

Maładuju vykładčycu anhlijskaj movy asudzili za ŭdzieł u pratestach4

MUS Ukrainy: Rasija razam ź ciełami ŭkrainskich vajskoŭcaŭ pieradaje i rasijskich1

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA34

Voś jak vyhladaje ŭkrainski vajskoviec paśla troch hadoŭ rasijskaha pałonu FOTAFAKT10

Rasijskija prapahandysty terminova evakuirujucca z Tehierana6

«Zahruzka ŭpała, zakazaŭ mienš». Rabotnikaŭ pradpryjemstva ŭ Rečycy stali adpraŭlać u adpačynki biez apłaty7

Čamu vučeńni «Zachad-2025» vyrašyli pravieści ŭ centry krainy, a nie kala miežaŭ NATA — mierkavańnie ŭkrainskaha palitołaha4

Prarasijskija nadpisy na ciele ŭkrainskaha vajskoŭca vyrazaŭ chirurh padčas apieracyi4

Kala bierahoŭ Kanady zaŭvažyli redki čorny ajśbierh1

bolš čytanych navin
bolš łajkanych navin

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej2

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Hałoŭnaje
Usie naviny →

Zaŭvaha:

 

 

 

 

Zakryć Paviedamić