«Novy 1939-y, tolki da haspadara siadziby jany nie mohuć daciahnucca». Z uładalnikam «Majontka Padarosk» razarvali damovy i zabirajuć majomaść
Va ŭładalnika «Majontka Padarosk» Paŭła Padkarytava zabirajuć uvieś kompleks — čatyry budynki. Ich daviadziecca viarnuć miascovamu adździełu kultury. Padkarytaŭ prajšoŭ praz dva sudovyja pracesy, jakija raściahnulisia na šeść pasiadžeńniaŭ, ale zachavać majontka nie zmoh — usie damovy razarvali, piša Hrodna.life.
Sudy pa skasavańni damoŭ pačalisia ŭ žniŭni 2023 hoda. U vieraśni Vaŭkavyski rajonny sud praz pazoŭ Vaŭkavyskaha adździeła kultury skasavaŭ damovu 2013 hodu pa nabyćci adnaho z budynkaŭ majontka. Pryčynaj stała «nievykanańnie ŭmovy pa ŭvodzie abjektaŭ u haspadarčy abarot». Pieršyja rašeńni pa sutnaści vynieśli sudździa Vaŭkavyskaha suda Juryj Jakimovič i sudździa ekanamičnaha suda Hrodzienskaj vobłaści Eduard Karol.
Jak budzie adbyvacca pieradača budynkaŭ, Pavieł Padkarytaŭ jašče nie viedaje. Miarkuje, što pa akcie pieradačy. Pakul jon čakaje dziejańniaŭ ad adździeła kultury. Jahonaja firma pakul pracuje, ale budzie zhortvać dziejnaść. Ludzi, jakija tam pracujuć, buduć zvolnienyja.
«Što dalej budzie z pomnikam — sprava adździeła kultury. <…> Ja čakaŭ takoha pavarotu padziej usie 10 hadoŭ, ale, kaniešnie, usio roŭna aburany, bo pracedura nie maje ničoha ahulnaha z pravasudździem i ekanomikaj, prosty balšavizm. Novy 1939-y, chiba, tolki da haspadara siadziby jany nie mohuć daciahnucca», — skazaŭ Pavieł Hrodna.life.
Pavieł na praciahu 10 hadoŭ układaŭ u majontak svaje srodki. «Hrošy buduć lažać u ziamli i čakać haspadara, — kaža jon. — Spadziajusia, ja jašče zdoleju adkryć tam muziej».
U kastryčniku 2022 hoda na pradpryjemstvie «Majontak Padarosk» Vaŭkavyskaha rajona zatrymali kiraŭnikoŭ i finansavych supracoŭnikaŭ pavodle art. 243 KK «Uchileńnie ad vypłaty padatkaŭ». Praź niekatory čas zatrymanyja vyjšli na volu.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary