Jašče adzin fihurant spravy «Majontka Padarosk» vyjšaŭ pad paručalnictva
«Našaj Nivie» stała viadoma, što z turmy Hrodna vyzvaleny Juraś Mielaškievič.
Mielaškievič prachodzić pa spravie «Majontka Padarosk» — inicyjatyvy pa adnaŭleńni staroj siadziby pad Vaŭkavyskam, jakoje finansavalisia biznesoŭcam i miecenatam biełaruskaha pachodžańnia Paŭłam Padkarytavym.
Razam ź Mielaškievičam pa spravie prachodziać finansavy dyrektar majontka Źmicier Karabač i supracoŭnik Fondu «Viartańnie» Siarhiej Makarevič. Pra vyzvaleńnie Makareviča pad paručalnictva stała viadoma raniej, 12 krasavika.
Juraś Mielaškievič byŭ namieśnikam staršyni hramadskaj arhanizacyi «BNF «Adradžeńnie», aktyvistam ruchu «Za Svabodu!». Apošnim časam byŭ namieśnikam staršyni «Biełaruskaha dobraachvotnaha tavarystva achovy pomnikaŭ historyi i kultury». Padčas začystki hramadzianskaj supolnaści arhanizacyja była likvidavanaja Viarchoŭnym sudom.
Uviečary 26 kastryčnika ci ranicaj nastupnaha dnia Mielaškieviča zatrymali ŭ Vaŭkavysku.
Siabry Mielaškieviča kažuć, što jaho vyzvalili pad paručalnictva baćkoŭ. «Naša Niva» pakul nie maje paćviardžeńnia hetaj infarmacyi ź inšych krynic.
Infarmacyi pra spravu «Majontka Padarosk», jak i pra bolšaść palityčnych spraŭ, praktyčna niama ŭ vyniku taho, što łukašysty ciapier interpretujuć padpisku pra nierazhałošvańnie, jakuju biaruć jak ź fihurantaŭ spraŭ, tak i z advakataŭ, niezakonna šyroka. U vyniku ŭsio, što viadoma hramadstvu, — što sprava isnuje.
Kali vam viadomyja padrabiaznaści, paviedamlajcie asabista tym aŭtaram «Našaj Nivy», jakich viedajecie, abo ŭ telehram-akaŭnt «Našaj Nivy» ŭ sakretny čat: @nn_editor.
Kamu zručniej na mejł — pišycie redaktaru na [email protected] ci [email protected].
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju3
Kamientary