Na placoŭcy pa prodažy majomaści «BiełJurZabieśpiačeńnie» źjaviłasia infarmacyja pra prodaž staradaŭniaj rezidencyi kniazioŭ Radziviłaŭ. Dakładniej, taho, što ad jaje zastałosia, piša Blizko.by.
U abjavie napisana:
«Budynak administracyjny «Alba». Pryznačeńnie: budynak śpiecyjalizavany inšaha pryznačeńnia. Składovyja častki i pryłady: ceły dvuchpaviarchovy cahlany budynak asnoŭnaha korpusa bijamicynu P2/k z chałodnaj prybudovaj».
Prodažam zajmajecca kampanija «Kompleks Łejk».
Adnak heta nie prosta cahlany budynak, a acalełaja častka familnaj rezidencyi kniazioŭ Radziviłaŭ u majontku Alba pad Niaśvižam. Jaje zakłaŭ jašče ŭ kancy XVI stahodździa Mikałaj Kryštof Radzivił «Sirotka», jaki paśla padarožža pa Zachodniaj Jeŭropie vyrašyŭ u siabie ŭ Niaśvižy zbudavać niešta padobnaje da siadziby jeŭrapiejskaha fieadała.
Zasvajeńnie Alby jak zaharadnaj rezidencyi Radziviły pačali ŭ kancy XVI stahodździa, tady ž byŭ zakładzieny šyroki park. Samy stary pałac ansambla, Eremitoryj, byŭ pabudavany Mikałajem Kryštofam Radziviłam i byŭ całkam stračany da XIX stahodździa. Pałacy, jakija ŭzvodzilisia paźniej, taksama byli razburanyja padčas šmatlikich vojnaŭ.
Da našych dzion zachavaŭsia tolki brovar, pabudavany ŭ pačatku XX stahodździa. U budynku dahetul raźmiaščałasia vytvorčaść. Budynak padvierhnuŭsia šmatlikim pierabudovam i prybudovam i ciapier znachodzicca ŭ vielmi niepryvabnym stanie.
Startavaja cana łota — 12 tysiač rubloŭ. Akramia taho, pakupnik pavinien budzie apłacić vydatki na absłuhoŭvańnie aŭkcyjonnaj placoŭki (3% ad sumy łota) i 119 rubloŭ zatrat. Razam minimalnaja vynikovaja cana składzie 12 479 rubloŭ, abo prykładna 3 567 dalaraŭ.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2020
Kamientary
Razhrabili i iźvieli narod kotoryj moh trudiťsia . Niet słov .