Spačatku pomnik architektury XIX stahodździa ŭ styli baroka, jaki znachodzicca ŭ Dubroŭnie, sprabavali pradać za $112 tysiač, ale achvotnych nie znajšłosia. Zatym canu za abjekt źnizili ŭdvaja, adnak i hetaja sproba pośpiechu nie pryniesła. Čarhovyja tarhi pa im pryznačyli na kaniec studzienia nastupnaha hoda.
Hetym razam klaštar płanujuć pradać na placoŭcy «BUTB-Majomaść» za $21 300 pa kursie: heta na 80% nižej za pieršapačatkovuju canu.
Manastyr pabudavali ź biarvieńnia ŭ styli baroka ŭ XVII stahodździ, ale jon byŭ źniščany pažaram u kancy XVIII stahodździa. Paźniej jaho adbudavali ŭ kamieni, ale i toj varyjant całkam nie zachavaŭsia.
Kali vieryć lehiendzie, to manastyr zahadaŭ spalić jahony ž uładalnik, Francišak Lubamirski, nibyta z-za taho, što manachi nibyta abviančali jahonuju dačku ź biednym šlachcicam. Ale paźniej Lubamirski adnaviŭ budynak.
Ciapier ad usiaho manastyra zachavaŭsia tolki dvuchpaviarchovy žyły korpus, pabudavany ŭ 1809 hodzie. Jon zajmaje płošču ŭ 456 kvadratnych mietraŭ. Razam z pabudovaj pradajecca i ziamielny ŭčastak z terminam arendy na 50 hadoŭ.
U 1996 hodzie budynak častkova adrestaŭravany (u pryvatnaści, na im zamianili dach, adnavili baročnyja franty i ŭmacavali pierakryćci). Siońnia biernardzinski klaštar u Dubroŭnie zaniesieny ŭ śpis historyka-kulturnych kaštoŭnaściej krainy.
Čarhovyja tarhi pa abjekcie projduć na placoŭcy «BUTB-Majomaść» da 24 studzienia 2025 hoda. Padać zajaŭku na ŭdzieł u aŭkcyjonie možna da 21 studzienia.
Pačatkovy košt łota — 74 200 rubloŭ.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy18
Kamientary