U Afhanistanie zabaranili stavić vokny ŭ pamiaškańniach, jakija vykarystoŭvajucca žančynami
Isłamiscki ruch «Taliban», jaki ciapier kiruje Afhanistanam, zabaraniŭ stavić vokny ŭ pamiaškańniach žyłych damoŭ, jakimi zvyčajna karystajucca žančyny. Da takich miescaŭ adnosiacca kuchnia, unutrany dvor i inšyja bytavyja pamiaškańni.
Adpaviedny zahad viarchoŭnaha lidara talibaŭ apublikavaŭ u sacsietcy X pres-sakratar urada Afhanistana Zabichuła Mudžachid.
Ułady krainy ličać, što vyhlad žančyn, jakija pracujuć na kuchni ci nabirajuć vadu z kałodzieža, moža spravakavać mužčyn na «nieprystojnyja dziejańni».
Ciapier žycharam krainy treba budzie zabić vokny ŭ padobnych miescach, a novyja žyłyja damy buduć budavacca z ulikam papravak.
Va ŭkazie skazana, što vid na žančyn nieabchodna zaharodžvać, «kab paźbiehnuć niazručnaściaŭ, jakija pryčyniajucca susiedziam». Vokny možna raźmiaščać tolki kali jany buduć na vyšyni bolš za čałaviečy rost.
Za apošni hod taliby pryniali šerah zakonaŭ, jakija abmiažoŭvajuć pravy žančyn. Siarod ich zabarona na śpievy, publičnyja vystupy, čytańnie ŭhołas i razmovy, u tym liku adna z adnoj, zabarona na vychad na dvor z adkrytym tvaram, zabarona hladzieć na mužčyn i inšyja.
Ciapier čytajuć
Pamiatajecie varjackuju honku ŭ Breście, padčas jakoj zahinuła troje? Na VIDEA z ekšn-kamiery matacyklista vidać, što jon razahnaŭsia da 186 km/h2
Kamientary