Bondarava patrabuje, kab prypynki ŭ transparcie abjaŭlali jašče i na ruskaj movie. «Minsktrans» adkazaŭ, što heta niemahčyma
Na infarmacyjnych nalepkach z praviłami biaśpieki ruskaja mova ŭsio ž źjavicca.
«Minsktrans» adkazaŭ na zvarot danosčycy Volhi Bondaravaj z patrabavańniem, kab prypynki ŭ hramadskim transparcie abjaŭlali nie tolki na biełaruskaj, ale i na ruskaj movach.
U adkazie za podpisam kiraŭnika «Minsktransa» Aleha Dziubienki, jaki apublikavała Bondarava, havorycca, što abjavy na dźviuch movach niemahčymyja. Na prypynkach transpart znachodzicca nie bolš za chvilinu, i ŭ hety čas składana ŭmiaścić infarmacyju i na biełaruskaj, i na ruskaj.
Akramia taho, jak skazana ŭ adkazie, u transparcie byvajuć paviedamleńni i na ruskaj, tak što ŭ hetym nijakich supiarečnaściaŭ z zakonam «Ab movach U Respublicy Biełaruś» niama.
Pry hetym kiraŭnik «Minsktransa» paabiacaŭ dadać ruskuju movu na infarmacyjnyja nalepki pra biaśpieku ŭ transparcie.
Ź biełaruskamoŭnymi nalepkami Bondarava z adnadumcami sprabujuć zmahacca daŭno. Usio nibyta tamu, što ŭ prarasijskich aktyvistaŭ jość ciažkaści ź pierakładam biełaruskich słoŭ. Naprykład, studentka BDPU pa śpiecyjalnaści «biełaruskaja fiłałohija» nie viedaje, što takoje «viečka». A jašče jaje korčyć ad słova «kiroŭca» — jana patrabuje ŭsiudy zamianić jaho na «vadziciel».
Dziermant zaklikaje rasśledavać źniešni faktar, jaki staić za dziejnaściu Bondaravaj
Bondarava choča ŭmiašacca i ŭ miedycynu — zabaranić aborty i zamarozku jajcakletak
Pałata pradstaŭnikoŭ prysłała Bondaravaj adpisku pa spravie Marzaluka i «švali» z Hrodna
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
Bondarava zaklikała pakarać Marzaluka. Ale padviała siabie pad 15 sutak za repost «NN»
«Niejkaja šval u Hrodnie». Marzaluk prajšoŭsia pa Bondaravaj i jaje paplečnikach
Bondarava zachacieła dvuchmoŭja, jak u Finlandyi. My taksama za
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary