Bondarava zaklikała pakarać Marzaluka. Ale padviała siabie pad 15 sutak za repost «NN»
Danosčyca Volha Bondarava praciahvaje svoj aktyŭny ŭdzieł va ŭnutranych razborkach u asiarodździ łukašystaŭ i praviała novuju ataku na deputata-historyka Ihara Marzaluka. Ale nie ŭličyła adzin niuans.
Volha Bondarava apublikavała ŭ svaim telehram-kanale zvarot u Pałatu pradstaŭnikoŭ z prośbaj
«dać acenku pavodzinam deputata Marzaluka I.A. i jaho publičnym vykazvańniam z vykarystańniem nienarmatyŭnaj leksiki ŭ dačynieńni da žančyny, zakonapasłuchmianaj hramadzianki Biełarusi».
Pad paciarpiełaj žančynaj majecca na ŭvazie hrodzienskaja doktarka Alena Stefanovič, pra kanflikt jakoj z Marzalukom my pisali ŭčora. Pra hetuju paplečnicu Bondaravaj Marzaluk, vystupajučy dniami pa TB, skazaŭ nastupnaje.
«Kali niejkaja šval u Hrodnie, pracujučy ŭ dziaržaŭnaj miedycynskaj ustanovie, zajaŭlaje, što biełaruski pašpart — prosta papierka, kali jany hrebujuć biełaruskaj uładaj, kali jany ckujuć Ministerstva kultury, ale machajuć čyrvona-zialonym ściaham, to jany robiać toje samaje [što i «zmahary»] i stvarajuć niehatyŭny imidž biełaruskaj ułady».
Bondarava začapiłasia za słova «šval», jakoje ŭ publikacyi «Našaj Nivy» vyniesienaje ŭ zahałovak, i nie prydumała ničoha lepšaha, jak zaskrynšocić staronku z toj publikacyjaj i dałučyć skrynšot da zvarotu.
Miž tym viadoma, što za skrynšoty z vydańniaŭ, pryznanych łukašystami «ekstremisckimi», u Biełarusi paciarpieli sotni dy tysiačy ludziej. Prytym nie abaviazkova było tyja skrynšoty navat vykładać publična, dastatkova taho, što ich znajšli b u telefonie ci kampjutary pry ahladzie ci pieratrusie.
Bolš taho — časam represavali, dačapiŭšysia da hetaha, navat apantanych łukašystaŭ, jakija niejkim čynam vybilisia z adpaviednaści hienieralnaj linii, jak, naprykład, Elvira Mirsalimava ci Arciom Ahafonaŭ.
Na ździejśnieny Bondaravaj ideałahičny hrech užo publična źviarnuli ŭvahu ŭ apazicyjnym jaje linii łukašysckim telehram-kanale «Dla słužiebnoho polzovanija», źjedliva adznačyŭšy, što danosčyca čytaje «Našu Nivu» praz VPN. U čym nie majuć racyi, pakolki sa spasyłki vidać, što Bondarava vykarystoŭvaje dla ŭvachodu na naša vydańnie sajt-lusterka.
Pa idei, łukašenkaŭskija siłaviki pavinny byli b paśla taho źviarnuć na hrodzienskuju danosčycu pilnuju ŭvahu. Ale viadoma, što čamuści akurat joj u Biełarusi dazvalajuć bolš, čym inšym. Cikava, jak budzie hetym razam?
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič
«Niejkaja šval u Hrodnie». Marzaluk prajšoŭsia pa Bondaravaj i jaje paplečnikach
«Ucichamirciesia!» Azaronak kinuŭsia abaraniać biełaruskija vulicy ad Bondaravaj. Ale matyvy ŭ jaho svaje
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy73
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary