U Hiermanii spynili biełaruskuju mašynu, jakaja ŭraziła miascovuju palicyju
U niamieckim horadzie Ludenšajd, što ŭ ziamli Paŭnočny Rejn-Viestfalija, miascovyja palicejskija spynili lehkavy aŭtamabil ź biełaruskimi numarami, jaki stvaraŭ «žachlivaje ŭražańnie». Akazałasia, što ŭražańnie nie było padmanlivym, piša «Biełaruś i śviet».
Jak paviedamlajecca ŭ pres-relizie, palicyja pravieryła mašynu «nieprezientabielnaha vyhladu», zarehistravanuju ŭ Biełarusi, 21 śniežnia ŭ 01.30 nočy. U mašynie znachodzilisia čatyry čałavieki.
Miesca, dzie mašyna zatarmaziła na patrabavańnie palicejskich, było źlohku pakatym, i spačatku aŭtamabil sam saboj, bieź nijakich dziejańniaŭ kiroŭcy, pakaciŭsia pa nachilnaj. Zadziejničany stajanačny tormaz nie daŭ nijakaha efiektu. A kali kiroŭca pasprabavaŭ usio ž spynić mašynu, nacisnuŭšy na pracoŭny tormaz, to efiekt prajaviŭsia tolki praź niekalki siekundaŭ.
Kali paśla mašynu ahledzieli, navat vopytnyja niamieckija supracoŭniki nie pavieryli svaim vačam. Amal usia rama aŭtamabila całkam praržavieła. Adnyja dźviercy i viečka bahažnika ŭžo nie začynialisia i byli zamacavany ramianiami. Tarmaznyja dyski častkova tresnuli. Na apornaj płaścinie nie było kałodak.
Praz surjoznyja techničnyja niaspraŭnaści transpartny srodak zabaranili vykarystoŭvać dalej, ź jaho źniali numarnyja znaki.
Kamientary