Ekanamist Daniejka: Ciapier pry reformach ekanomiki nie budzie ŭspyšak biespracoŭja
Ekanamist Pavieł Daniejka ŭpeŭnieny: pry reformach biełaruskaj ekanomiki nie treba bajacca biespracoŭja. Ale i na chutki vynik taksama nielha raźličvać.
Ekanamist Pavieł Daniejka ŭ efiry jutub-kanała «Obyčnoje utro» zaŭvažyŭ, što ŭ biełaruskim hramadstvie reformy źviazvajucca z dośviedam pačatku 1990-ch hadoŭ, asabliva ź biespracoŭjem. Ale ciapier jaho nie budzie, bo ŭ krainie niama «asabliva stratnych» pradpryjemstvaŭ:
«U nas dziaržaŭny siektar dastatkova ŭstojlivy. My prajšli pavolny šlach restrukturyzacyi dziaržaŭnaha siektara i zakryćcia pradpryjemstvaŭ, jakija nie ŭpisvalisia. Ciapier, kali rabić reformy, nie budzie ni hetych uspyšak biespracoŭja, ničoha takoha.
U naroda anałohija z pačatkam 1990-ch. Ale tady nie było rynkaŭ. Nie było pryvatnaha siektara. Adaptyŭnaść ekanomiki značna vyrasła».
Pa słovach Daniejki, kali buduć pravodzicca reformy, nakiravanyja na restrukturyzacyju dziaržsiektara, to heta budzie adbyvacca pavolna.
«Pryvatyzacyja — heta sprava składanaja. Da jaje treba padrychtavacca. Kab biełaruskija pradpryjemstvy pryvatyzavać, treba hady try ich rychtavać. I to, pa niekatorych strukturach heta pavinna być pavolna. Jak heta robicca? Pradajecca 10-15 pracentaŭ, potym farmirujucca sumiesnyja struktury kiravańnia, idzie sumiesnaje navučańnie mieniedžmientu».
Dzie ŭziać hrošy na reformy? Ekanamist adkazvaje:
«Dzie vy jak pačynajučy biznesmien bieracie hrošy? Pazyčajecie. Treba pazyčać hrošy, ich układvać u raźvićcio, kab potym viarnuć. Zaniać u Jeŭrakamisii, zrabić unutranuju pazyku».
Adnak nie treba spadziavacca na chutki pośpiech i mamientalnaje pavyšeńnie zarobkaŭ nastaŭnikam, miedykam, vučonym.
«Usio adrazu nie adbudziecca. Usio budzie pavolna. Ale kali my voźmiemsia, to my heta zrobim, — zaŭvažaje ekanamist i pryvodzić u prykład budaŭnictva novaha doma: — Ludzi novy dom budujuć doŭha. Niejki čas patrebny, kab pabudavać. Tak i tut».
Daniejka zaŭvažaje, što dla taho, kab likvidavać istotny razryŭ u siarednim zarobku nastaŭnikaŭ i siarednim pa krainie, spatrebicca paskoranaje inviestavańnie. U hetym vypadku spatrebicca 12-15 hadoŭ, ale zarobak budzie raści kožny hod.
Daniejka źviartaje ŭvahu na dźvie asnoŭnyja zadačy ekanamičnych reform.
Pa-pieršaje, jany pavinny palepšyć adukacyju, kab dzieci mahli atrymlivać jakasnyja viedy i dobra zarablać u budučyni. Pa-druhoje, zabiaśpiečyć siońniašnim sarakahadovym narmalny ŭzrovień piensii.
Ekanamist prahnazuje, što dasiahnuć apošniaha možna tolki praz 15-20 hadoŭ, tamu reformami treba zajmacca ŭžo siońnia.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary