Stała viadoma, ci pakarali pravadnicu, jakaja nibyta vykinuła z vahona na maroz kata Tviksa
Vydańnie «KP-Jekaciarynburh» paviedamiła, što spravu zakryli jašče ŭ kastryčniku.
U studzieni 2024 hoda ŚMI i sacsietki ašałamiła historyja kata Tviksa, jaki razam sa svajakom svajho haspadara vandravaŭ u ciahniku. Kot niejkim čynam vybraŭsia ź pieranoski i pajšoŭ hulać pa vahonie, a paśla, jak raniej zajaŭlałasia, byŭ vysadžany pravadnicaj na adnoj sa stancyj u 30-hradusny maroz.
Ceły tydzień 5 tysiač vałancioraŭ šukali Tviksa i znajšli miortvym za kiłamietr ad stancyi. Na pravadnicu paśla taho zaviali kryminalnuju spravu za žorstkaje abychodžańnie z žyviołami.
Ale ŭ chodzie rasśledavańnia vyśvietliłasia, što pravadnica ciahnika, zaŭvažyŭšy Tviksa, padniesła jaho da ŭsich pasažyraŭ, u tym liku i da mužčyny, jaki vioz kata. Ale nichto hadavanca za svajho nie pryznaŭ, što paćviardžajecca videazapisami z vahona. Paśla taho Tviksa adnieśli ŭ tambur, a padčas prypynku ŭ Kiravie adzin z pasažyraŭ vysadziŭ kata na pieron, paličyŭšy, što jon miascovy i zaskočyŭ u tambur na prypynku.
Mužčynu, jaki vykinuŭ žyviolinu, ustanavili i apytali, ale nie zmahli pryciahnuć da adkaznaści, bo ŭ jahonych dziejańniach nie było składu złačynstva.
Paźniej infarmacyju pra spynieńnie spravy paćvierdziŭ advakat pravadnicy. Paviedamlajecca, što žančyna pieražyła sapraŭdnaje ckavańnie i paŭhoda adnaŭlała zdaroŭje. Haspadar zahinułaha kata ad kamientaroŭ admoviŭsia.
Paśla vypadku z Tviksam na Rasijskaj čyhuncy pryniali rašeńnie zabaranić pravadnikam vysadžvać žyvioł z vahonaŭ. Kali znajści haspadara nie atrymajecca, to hadavancaŭ buduć pieradavać supracoŭnikam na prypynkach, a tyja — źviazvacca z zoaabaroncami.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam6
Kamientary