Rasijskaja čyhunka paśla hibieli kata Tviksa źmienić praviły pieravozki chatnich žyviołaŭ
«Ščyra škadujem ab tym, što kot Tviks zahinuŭ, i vybačajemsia pierad jaho ŭładalnikami», — havorycca ŭ zvarocie RČ u telehramie.
U kampanii było praviedziena słužbovaje rasśledavańnie, jakoje dazvoliła detalova razabracca ŭ situacyi. Asobnyja niedachopy narmatyŭnych dakumientaŭ, adsutnaść uzajemnaj adkaznaści piersanału i pasažyra, źbieh akaličnaściej pryviali da trahičnaha zdareńnia, havorycca ŭ zvarocie viedamstva.
«Kab vyklučyć mahčymaść paŭtareńnia takich vypadkaŭ u budučym, užo ciapier unosiacca źmianieńni ŭ dakumienty, jakija datyčacca pieravozki chatnich žyvioł u ciahnikach dalokaha śledavańnia. Pravadnikam budzie zabaroniena vysadžvać žyvioł ź ciahnika: u takich situacyjach budzie praduhledžana pieradača znojdzienaj žyvioły rabotnikam na prypynačnych punktach z nastupnym vyklikam pradstaŭnikoŭ zoaabarončych arhanizacyj», paviedamiła RČ.
***
Tviks niekalki dzion tamu viartaŭsia z haspadarom u Sankt-Pieciarburh paśla pieraniesienaj apieracyi na Urale. U niejki momant kot vybraŭsia ź pieranoski, ale haspadar hetaha nie zaŭvažyŭ
Pasažyry ŭbačyli kata, jaki hulaŭ pa vahonie, i źviarnulisia da pravadnicy. Žančyna praviała chutkuju pierakličku, ale haspadara nie znajšła.
Vyrašyŭšy, što žyvioła biazdomnaja, jana vypuściła Tviksa ŭ Kiravie na vulicu ŭ tryccacihradusny maroz. Ciahnik rušyŭ dalej. U hety momant haspadar narešcie ŭbačyŭ pustuju pieranosku i zabiŭ tryvohu.
Šukali Tviksa doŭha — haspadar paabiacaŭ vypłacić ščodruju ŭznaharodu. Siońnia ranicaj trup žyvioły znajšli la čyhunačnaha pierajezda.
Kamientary
Ṕjanaja provodnica oprosiła ṕjanych passažirov - ničiej?
Nu, i ch*j s nim, na moroz!
A kak kot okazałsia v dalnobojnom vahonie - intiellekta soobraziť nie chvatiło.
Choziain tožie krasavčik - buchnuł, i spať!... Kot pouj...
Jak i stałych ludziej razhublennaść nirazumieńnie biezabaronnaść...i Adzinota