Kvitki na ciahnik ź Minska ŭ Kalininhrad za dzień padaraželi ŭ 2-3 razy
Čytačy vydańnia Devby.io zaŭvažyli, što kvitki na ciahniki, jakija iduć ź Minska ŭ Kalininhrad, niečakana padaraželi ŭ 2-3 razy. Kali raniej za kvitok u płackart abo kupe treba było addać ad 100 da 190 rubloŭ, to ciapier — ad 300 i da 700.
U bocie padtrymki Biełaruskaj čyhunki paćvierdzili, što ceny na sajcie pass.rw.by i ŭ mabilnaj prahramie «BČ. Moj ciahnik» aktualnyja. Taryfy źmianilisia z 12 śniežnia, a «pavyšeńnie koštu abumoŭlena pavyšeńniem taryfaŭ pry pieravozcy pasažyraŭ pa terytoryi Litoŭskaj Respubliki ŭ tranzitnych znosinach dla ŭsich ciahnikoŭ i vahonaŭ u mižnarodnych znosinach».
Biletaŭ ź Minska ŭ Kalininhrad, jak zvyčajna, niašmat: na 20 śniežnia znojdziena 9 kupejnych pa canie 588,28 rubloŭ i 2 — pa 703,49 rubla. Kvitki na načnyja ciahniki 31 studzienia raskuplenyja, a na viačerni jość 35 płackartnych koštam 291,39-296,11 rubloŭ i 8 kupejnych — jany kaštujuć 526,79 rubloŭ.
Kvitkoŭ na ciahniki ŭ pačatku studzienia amal niama.
Maršrut u Polšču praz Kalininhrad i nazad karystajecca papularnaściu ŭ mnohich biełarusaŭ. Jany pryznavalisia, što, naprykład, dabiracca aŭtobusam «Minsk-Hdańsk» vielmi doŭha, tamu praściej uziać kvitok na ciahnik, a potym z Kalininhrada — aŭtobusam. Nazad — tym ža šlacham.
Napiaredadni śviataŭ kvitki na aŭtobus ź Minska ŭ Vilniu adčuvalna daražejuć
Rasijanka prabrałasia biez kvitka na samalot i dalacieła na im z ZŠA ŭ Paryž
Raskošny kruizny łajnier złamaŭsia pa darozie ŭ Antarktydu. Rasijanie i kitajcy na borcie abviaścili haładoŭku
Čamu ŭ «Biełavija» mała rasprodažaŭ i ci apraŭdaŭ siabie rejs u Indyju
Kamientary