Čamu ŭ «Biełavija» mała rasprodažaŭ i ci apraŭdaŭ siabie rejs u Indyju
Hienieralny dyrektar avijakampanii «Biełavija» Ihar Čarhiniec adkazaŭ na niekalki pytańniaŭ.
«Anłajnier» spytaŭ u hiendyrektara avijakampanii, jakija kirunki nie apraŭdali siabie za apošnija paru hadoŭ. Jon adkazaŭ, što takich nie nazavie, ale jość kirunki, «nie samyja prostyja ŭ prasoŭvańni».
«Naprykład, našy novyja napramki — Murmansk i Machačkała: my vymušanyja admianiać hetyja rejsy ŭ zimovym siezonie z-za nizkaj zahruzki. Pry hetym letam zahruzka na dadzienych rejsach vysokaja».
Składanaści jość i z rejsam u Deli.
«Z ulikam dalokaści palotu my možam vykarystoŭvać tolki «Boinhi» ź minimalnaj umiaščalnaściu 174 pasažyry. I, niahledziačy na vysoki intares z abodvuch bakoŭ, zahruzku rejsa abciažarvaje nieabchodnaść atrymańnia vizy jak dla hramadzian Biełarusi, tak i dla hramadzian Indyi. Dumaju, libieralizacyja vizavaha režymu ź Indyjaj značna spryjała b rostu turystyčnych patokaŭ pamiž krainami», — raskazaŭ Čarhiniec.
Jon taksama patłumačyŭ, čamu rasprodažy kvitkoŭ niačastyja i časam dziejničajuć tolki dla tranzitnych pasažyraŭ.
«Heta stanovicca ŭsio składaniej z-za istotnaha rostu vydatkaŭ avijakampanii. Naprykład, za apošnija 1,5 hoda taryfy na aeraportavaje i aeranavihacyjnaje absłuhoŭvańnie vyraśli šmatkroć.
Datyčna akcyj dla tranzitnych pasažyraŭ: avijakampanija ŭžo šmat hadoŭ pracuje nad pryciahnieńniem tranzitnych pasažyraŭ. U dakavidnyja časy pakazčyk tranzitnych pasažyraŭ na našych rejsach dasiahaŭ 50%. Heta narmalnaja praktyka ŭ avijacyi, kali bilet sa stykoŭkaj i biez akcyj moža kaštavać značna tańniej pramoha. Avijakampanii zmahajucca za kožnaha tranzitnaha pasažyra, bo varyjantaŭ dalacieć z punktu A ŭ kropku B sa stykoŭkaj, jak praviła, značna bolš, čym mahčymaściaŭ trapić u patrebny punkt napramuju».
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU15
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary