Raskošny kruizny łajnier złamaŭsia pa darozie ŭ Antarktydu. Rasijanie i kitajcy na borcie abviaścili haładoŭku
Rasijskija i kitajskija pasažyry patrabujuć ad kampanii kampiensavać 100% koštu.
Kruizny łajnier SH Diana kampanii Swan Hellenic złamaŭsia pa šlachu ŭ Antarktydu. Kruiz pryjšłosia skaracić, i ciapier častka pasažyraŭ, jakija maryli ŭbačyć kantynient, abviaścili haładoŭku na borcie.
Sudna, jakoje spuścili na vadu hod tamu, adpraviłasia ŭ 20-dzionny kruiz z Kiejptaŭna 13 listapada. Kulminacyjaj kruizu pavinna było stać dvuchdzionnaje naviedvańnie Antarktydy, piša The Times.
Adnak pa šlachu ŭ łajniera paŭstali prablemy z adnym z elektraruchavikoŭ. Kamanda vyrašyła admovicca ad učastku kruizu ŭ Antarktydzie i nakiravała sudna ŭ kančatkovy punkt — port Ušuaja ŭ Arhiencinie. Sudna idzie tudy ź minimalnaj chutkaściu.
Na borcie znachodziacca 170 pasažyraŭ, mnohija zapłacili za kvitki 9—12 tysiač jeŭra. Kampanija prapanavała viarnuć 50% sumy albo źnižku ŭ 65% na nastupny kruiz, a taksama biaspłatnyja ekskursii pa Ušuaja, adnak heta zadavoliła nie ŭsich.
Pasažyry z Rasii i Kitaja abviaścili haładoŭku i zapatrabavali viarnuć im poŭny košt kruizu.
«Dla bolšaści z nas heta pieršy vizit u Antarktydu, a dla mnohich — patencyjna apošniaja mahčymaść. Niekatoryja hości — pažyłyja ludzi, invalidy. Dla mnohich z nas naviedvańnie Antarktydy — heta adzin z punktaŭ u śpisie žadańniaŭ na ŭsio žyćcio»,— kažuć pasažyry.
Adna z rasijanak, jakaja abviaściła haładoŭku, raspaviała, što źbirała na kruiz vosiem hadoŭ i addała za jaho ŭsie źbieražeńni.
Pry hetym u kampanii haładoŭku nazyvajuć kontrpraduktyŭnaj. Pradstaŭniki Swan Hellenic paviedamlajuć, što i tak prapanavali pasažyram bolšuju kampiensacyju, čym naležyć pavodle zakona. Pa ich słovach, mnohija ŭžo pryniali prapanovu kampanii i zabraniravali nastupny kruiz sa źnižkaj.
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6
Kamientary
Chołod, hołod, hibiel soratnikov - nieizhładimyje vpiečatlenija. Čto možiet byť priekraśnieje?