18-hadovaja dziaŭčyna źniała videa ŭ tyktoku, imavierna, pra svajho chłopca-milicyjanta — jaje zatrymali za niepavahu da orhanaŭ
Kanał siłavikoŭ apublikavaŭ videa zatrymańnia 18-hadovaj dziaŭčyny. Na videa jana adkryvaje dźviery milicyjantu — toj kaža, što dziaŭčyna źniała rolik, jaki hańbić honar i hodnaść supracoŭnika milicyi, tamu treba pajechać u pastarunak dla raźbiralnictva.
Što dakładna było na źniatym dziaŭčynaj roliku, nieviadoma. Vyhladaje, što jana zdymała žartaŭlivyja videa pra svajho chłopca — milicyjaniera. Bo kanał siłavikoŭ piša, što milicyjanier — hieroj rolikaŭ — byŭ «znajomym» dziaŭčyny, a nie svajak.
Na adnym skrynie ź videa dziaŭčyny bačny nadpis «Mienty nam nie kienty», na druhim — «Ničoha niezvyčajnaha, prosta karmlu mianta ŭ siabie doma (kab nie zabraŭ u małpoŭniu)».
Pa jakim artykule zatrymali dziaŭčynu, nie ŭdakładniajecca.
Ci budzie jana jašče karmić taho milicyjanta, kali heta joj nie dapamahło i ŭ pastarunak jaje ŭsio ž zabrali, taksama nie viadoma.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary
Nie podumała, čto eto čto-to płochoje i tak nielzia pisať, raz on sam tak šutit.