18-гадовая дзяўчына зняла відэа ў тыктоку, імаверна, пра свайго хлопца-міліцыянта — яе затрымалі за непавагу да органаў
Канал сілавікоў апублікаваў відэа затрымання 18-гадовай дзяўчыны. На відэа яна адкрывае дзверы міліцыянту — той кажа, што дзяўчына зняла ролік, які ганьбіць гонар і годнасць супрацоўніка міліцыі, таму трэба паехаць у пастарунак для разбіральніцтва.
Што дакладна было на знятым дзяўчынай роліку, невядома. Выглядае, што яна здымала жартаўлівыя відэа пра свайго хлопца — міліцыянера. Бо канал сілавікоў піша, што міліцыянер — герой ролікаў — быў «знаёмым» дзяўчыны, а не сваяк.
На адным скрыне з відэа дзяўчыны бачны надпіс «Менты нам не кенты», на другім — «Нічога незвычайнага, проста кармлю мянта ў сябе дома (каб не забраў у малпоўню)».
Па якім артыкуле затрымалі дзяўчыну, не ўдакладняецца.
Ці будзе яна яшчэ карміць таго міліцыянта, калі гэта ёй не дапамагло і ў пастарунак яе ўсё ж забралі, таксама не вядома.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве3
Каментары
Не подумала, что это что-то плохое и так нельзя писать, раз он сам так шутит.