«Pryjechali na našy KPP, stralali ŭ pavietra». Rasijskija bazy ŭ Siryi całkam izalavanyja paŭstancami
Rasijskija vajenkary pišuć ab błakavańni siłami paŭstancaŭ vajskovych abjektaŭ Rasii pa ŭsioj Siryi, uklučajučy marski port Tartus, avijabazu Chmiejmim i inšyja miescy dysłakacyi. Błakujuć rasijskich vajskoŭcaŭ navat atrady kurdaŭ, jakich padtrymlivajuć ZŠA.
Bujny telehram-kanał rasijskich vajenkoraŭ «Rybaŕ» panikuje, što na hety momant usia vajennaja prysutnaść Rasii ŭ blizkaŭschodnim rehijonie «visić na vałasku».
Siryjskija paŭstancy, jakija zrynuli režym Bašara Asada i stali novaj uładaj u krainie, błakavali adziny ŭ Mižziemnym mory rasijski vajskovy port Tartus (ale bajavyja karabli adtul syšli), a taksama izalavali adzinuju ŭ Siryi rasijskuju avijabazu Chmiejmim i naftavy zavod kala horada Choms, jaki achoŭvajecca rasijskim harnizonam.
Aproč hetaha, «Rybaŕ» piša ab błakavańni niekalkich inšych rasijskich vajskovych abjektaŭ na poŭnačy Siryi atradami kurdaŭ, jakija napramuju padtrymlivajucca Złučanymi Štatami.
Datyčna izalavańnia avijabazy Chmiejmim taksama vykazaŭsia vajenkar Fighterbomber. Pa jaho słovach, «uzbrojenyja atrady apazicyi» ŭziali bazu pad ahniavy kantrol i navat pryjazdžali na jaje KPP, stralajučy ŭ pavietra.
Siamja Asadaŭ kiravała Siryjaj 54 hady. Achviarami jaje dyktatury i raźviazanaj imi hramadzianskaj vajny stali sotni tysiač ludziej.
U realnaści režym Asada abapiraŭsia na mienšaść nasielnictva krainy — ałavitaŭ (Asady sami ałavity) i chryścijanaŭ roznych kanfiesij. U toj ža čas suprać jaho vystupali sunity, jakija składajuć bolšaść nasielnictva krainy, i druzy, a taksama śvieckija siryjcy, jakija vystupajuć za demakratyčny ład. Kurdy bałansavali miž uradam i apazicyjaj, bo majuć ułasnyja intaresy.
Padaŭleńnie masavych pratestaŭ 2011 hoda vyklikała hramadzianskuju vajnu. Asad zastaŭsia va ŭładzie dziakujučy tamu, što na jaho baku vajavali intervienty z Rasii i Irana. Paŭstancaŭ padtrymlivali Turcyja i Saudaŭskaja Aravija. ZŠA doŭhi čas nie ŭmiešvalisia, ale za apošnija hady ŭzbroili i padrychtavali Svabodnuju siryjskuju armiju ŭ kantralavanym imi ankłavie na ŭschodzie krainy. Mienavita SSA pieršaj uvajšła ŭ Damask učora.
Režym Asada paŭ za 10 dzion u vyniku małankavaha nastupu paŭstancaŭ — paśla taho, jak Turcyja da inšyja krainy zabiaśpiečyli ich minimumam sučasnych uzbrajeńniaŭ.
Rasija na hety raz nie mahła im dapamahčy, bo pierakinuła ŭsie svaje siły va Ukrainu. A iranskich proksi razhramiŭ Izrail u Livanie.
Izrail nanios avijaŭdary pa Damasku. I zaniaŭ častku terytoryi Siryi na Hałanskich vyšyniach
MZS Rasii pierastała nazyvać siryjskich paŭstancaŭ terarystami — ciapier kažuć pra apazicyju
Usie kiraŭniki, suprać jakich vystupali pratestoŭcy padčas Arabskaj viasny 2011 hoda, syšli ŭ minułaje. Asad staŭ apošnim
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj27
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary
Suśvietna pryznanaja lehitymnaja Nacyjanalnaja Prezident-elekt Biełarusi: treba trymać Biełaruś na paviestcy dnia.