MZS Rasii pierastała nazyvać siryjskich paŭstancaŭ terarystami — ciapier kažuć pra apazicyju
Rytoryka rasijskich uładaŭ i telekanałaŭ źmianiłasia litaralna za dzień.
Ministerstva zamiežnych spraŭ Rasii, a taksama dziaržaŭnyja ŚMI pierastali nazyvać siryjskich paŭstancaŭ terarystami. Ciapier vykarystoŭvajecca słova «apazicyja»
Jašče napiaredadni Siarhiej Łaŭroŭ zajaŭlaŭ, što Rasija ŭ Siryi dapamahaje zmahacca z «terarystami». Ale ŭ apošniaj zajavie MZS Rasii pra admovu Asada ad ułady «terarysty» nazyvajucca «apazicyjaj» i «ŭdzielnikami ŭzbrojenaha kanfliktu», zaŭvažyła «Ahienctva».
«U vyniku pieramovaŭ B. Asada z šeraham udzielnikaŭ uzbrojenaha kanfliktu na terytoryi SAR jon pryniaŭ rašeńnie pakinuć prezidencki post i źjechaŭ z krainy, daŭšy ŭkazańnie ažyćciavić pieradaču ŭłady mirnym šlacham. Rasija ŭ hetych pieramovach udziełu nie prymała.
Pry hetym my źviartajemsia da ŭsich bakoŭ, uciahnutych u kanflikt, z nastojlivym zaklikam admovicca ad hvałtu i vyrašać usie pytańni kiravańnia palityčnym šlacham. U suviazi z hetym Rasijskaja Fiederacyja znachodzicca ŭ kantakcie z usimi hrupoŭkami siryjskaj apazicyi», — havorycca ŭ zajavie MZS Rasii, apublikavanaj na sajcie viedamstva siońnia.
Na tym ža sajcie jość rasšyfroŭka razmovy Łaŭrova z žurnalistami napiaredadni. U joj apanienty režymu Bašara Asada nazyvajucca «terarystami».
«Našy VKS, jakija bazujucca ŭ h. Chmiejmim u Siryi, dapamahajuć siryjskaj armii likvidavać nastupleńnie terarystaŭ», — kazaŭ Łaŭroŭ u subotu.
Padobnaja mietamarfoza adbyłasia i ŭ pracy rasijskich telekanałaŭ. U pieršych ranišnich vypuskach jany paviedamlali, što Damask zachapili «terarysty» i «bajeviki». Adnak užo ŭ apošnich vypuskach navin na «Rośsija-1» hetyja słovy bolš nie vykarystoŭvalisia.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary