Usie kiraŭniki, suprać jakich vystupali pratestoŭcy padčas Arabskaj viasny 2011 hoda, syšli ŭ minułaje. Asad staŭ apošnim
Muamar Kadafi ŭ Livii, Ben Ali ŭ Tunisie, Ali Abduła Salech u Jemienie, Chośni Mubarak u Jehipcie, a ciapier i Bašar Asad ŭ Siryi. Bašar Asad byŭ apošnim dyktataram Arabskaj viasny. Piša dypłamatyčny karespandent VVS Frenk Hardnier.
Usie blizkaŭschodnija kiraŭniki, jakich pratestoŭcy Arabskaj viasny ŭ 2011 hodzie nazyvali «dyktatarami», ciapier syšli ŭ minułaje i ŭvajšli ŭ padručniki historyi razam ź irakskim Sadamam Chusejnam — achviaraj nie Arabskaj viasny, a ŭvarvańnia ZŠA.
Z usich, suprać kaho vystupali pratestoŭcy, acaleŭ tolki karol Bachrejna Chamad, zbolšaha tamu, što jon uznačalvaje arabskuju manarchiju, a nie «revalucyjnuju respubliku», jak astatnija.
A taksama tamu, što jon pajšoŭ na sastupki i pahadziŭsia na niekatoryja reformy, prapanavanyja mižnarodnymi jurystami. «Ja moh by pajści pa šlachu Siryi, — skazaŭ jon mnie tady, u 2011 hodzie, — ale zamiest hetaha ja prysłuchaŭsia da ich patrabavańniaŭ».
Ale zrabiŭ jon heta tolki zbolšaha. Bachrejn usio jašče daloki ad idealnaj demakratyi, adnak heta našmat bolš ščaślivaje miesca, čym Siryja Bašara Asada.
Hrupoŭka, jakaja nazyvaje siabie «Isłamskaj dziaržavaj», moža być, i nie sychodziła z hazietnych zahałoŭkaŭ padčas svajho piacihadovaha «carstva teroru».
Ale, biezumoŭna, najbolšuju kolkaść achviar siarod siryjcaŭ prynieśli dziejańni samoha režymu.
Za dobra pašytymi kaściumami Bašara Asada, afišami i členami siryjskaha «parłamienta», jakija plaskajuć u ładki, ciahniecca kryvavy śled, jaki ŭvabraŭsia ŭ ścieny padziemnych turmaŭ.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta10
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary