Siryjskija paŭstancy ŭvajšli ŭ Tartus, dzie znachodzicca adzinaja rasijskaja vajenna-marskaja baza ŭ rehijonie
Jašče raniej žychary horada pačali znosić statui Asadaŭ.
Siryjskija paŭstancy ŭvajšli ŭ bujny partovy horad Tartus, paviedamlaje Al Jazeera. Miascovyja žychary jašče raniej uźniali ściahi apazicyi i pačali rujnavańnie statuj Asadaŭ.
U Tartusie raźmieščana rasijskaja vajenna-marskaja baza. Roznyja krynicy jašče napiaredadni paviedamlali, što rasijanie pačali vyvodzić karabli z Tartusa.
Spadarožnikavyja zdymki pakazvajuć, što z vučeńniaŭ u Mižziemnym mory na bazu nie viarnulisia dva z šaści karabloŭ VMF Rasii. Tartus pakinuli frehat «Admirał Harškoŭ» i dapamožnaje sudna «Jelnia», pišuć OSINT-analityki.
Ciapier na bazie znachodziacca frehat «Admirał Hałaŭko», vartavy karabiel «Admirał Hryharavič», dapamožnaje sudna «Viaźma» i padvodnaja łodka «Navarasijsk».
Hałoŭnaje ŭpraŭleńnie raźviedki Ukrainy taksama paviedamlała, što Rasija naŭmysna vyvodzić karabli z Tartusa. Pry hetym MZS Rasii napiaredadni abviarhała infarmacyju pra vyvad karabloŭ.
Rasijskija pravajennyja błohiery pisali pra padrychtoŭku da evakuacyi i avijabazy ŭ Chmiejmimie pobač z Łatakijaj. Pavodle niekatorych źviestak, u Łatakiju taksama ŭvajšli siryjskija paŭstancy.
Baza ŭ Tartusie — adziny aporny punkt rasijskaha fłotu ŭ Mižziemnym mory. Jaje strata naniesła b krytyčny ŭdar pa ŭpłyvie Kramla ŭ Paŭnočnaj Afrycy va ŭmovach zakryćcia Basfora dla rasijskich vajennych karabloŭ.
MZS Rasii pierastała nazyvać siryjskich paŭstancaŭ terarystami — ciapier kažuć pra apazicyju
Bašar Asad pakinuŭ pasadu prezidenta Siryi i krainu — MZS Rasii
Usie kiraŭniki, suprać jakich vystupali pratestoŭcy padčas Arabskaj viasny 2011 hoda, syšli ŭ minułaje. Asad staŭ apošnim
Frydman: Los Asada pakazvaje, što Łukašenku «arešniki» nie dapamohuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary