Prodaž takoha bujnoha i prybytkovaha abjekta źviazany sa starymi finansavymi i jurydyčnymi prablemami jaho ŭłaśnika.
Aŭtarynak «Malinaŭka», raźmieščany ŭ ahraharadku Aziarco niepadalok ad Minska, byŭ vystaŭleny na prodaž praz sajt ZAT «Biełrealizacyja». Ciapier jaho ŭłaśnikam źjaŭlajecca Śbierbank, da jakoha rynak pierajšoŭ za daŭhi papiaredniaha ŭładalnika, kampanii «Handlovy Śviet Kalco», piša Blizko.by,
Hetaja arhanizacyja, jakaja niekali naležała viadomamu biełaruskamu biźniesmienu Juryju Avierjanavu, była likvidavana ŭ 2023 hodzie pa rašeńni suda.
U svoj čas Avierjanaŭ, jaki ŭvachodziŭ u lik pieršych biełaruskich miljanieraŭ, kiravaŭ adnym z najbujniejšych rynkaŭ dla handlu aŭtamabilami i zapčastkami ŭ krainie, ale z 2016 hoda znachodzicca za miežami Biełarusi, a ŭ dačynieńni da jaho ŭ krainie ŭzbudžana kryminalnaja sprava.
Aŭtarynak moža być pradadzieny jak praz adkrytyja tarhi, tak i pa pramoj damovie. Prapanova ŭklučaje prodaž adrazu 102 abjektaŭ nieruchomaści i inžyniernych kamunikacyj, jakija zajmajuć bolš za 25 hiektaraŭ ziamli.
U abjavie, apublikavanaj na handlovaj placoŭcy, nie paznačanaja cana: pa słovach pradstaŭnikoŭ kampanii, prapanova vystaŭlena ŭ adkryty dostup dla vyvučeńnia popytu. Cana i farmat ździełki buduć vyznačany paźniej, kali ŭłaśnik prymie kančatkovaje rašeńnie.
Rynak u Malinaŭcy ŭžo sprabavali pradać u 2021 hodzie, kali «Handlovy Śviet Kalco» aceńvaŭ abjekt prykładna ŭ 44 miljony rubloŭ, što na toj momant składała kala $17 młn. Adnak prodaž nie adbyŭsia, i rynak pierajšoŭ pad kiravańnie Aščadbanka jak asnoŭnaha kredytora byłoha ŭłaśnika.
Dla budučych pakupnikoŭ ździełka moža stać pryvabnaj inviestycyjaj, uličvajučy vialikuju płošču i infrastrukturu abjekta, a taksama patencyjał dla dalejšaha raźvićcia.
Kamientary