Spoŭniŭsia hod z času zasnavańnia demakratyčnymi siłami Biełarusi słužby «Adno akno». Z hetaj nahody jaje supracoŭniki raskazali, čaho za hety čas udałosia dasiahnuć.
Ad pačatku słužba stvarałasia jak arhanizacyja, jakaja dapamahaje biełarusam, što sutyknulisia z represijami ŭ krainie z-za hramadzianskaj pazicyi, a taksama ich blizkim. Ale paśla infarmacyjnaja dapamoha pašyryłasia i na inšyja śfiery.
Temy samych papularnych zapytaŭ za hod, pavodle słoŭ supracoŭnikaŭ «Adnaho akna»:
- jurydyčnyja kansultacyi i pravavaja padtrymka;
- prodaž nieruchomaści, pytańni spadčyny, afarmleńnie davieranaściaŭ;
- pytańni pierasiačeńnia miažy, lehalizacyi, atrymańnia i padaŭžeńnia terminu dziejańnia dakumientaŭ za miažoj;
- pytańni, źviazanyja z razvodam (padzieł majomaści, spahnańnie alimientaŭ, apieka);
- pošuk pracy, pracoŭnyja pravy, sprečki z pracadaŭcami;
- pytańni, źviazanyja ź dziećmi (dapamoha dzieciam ź invalidnaściu, adukacyja, psichałahičnaja dapamoha, afarmleńnie dakumientaŭ);
- kamunalnyja i bytavyja prablemy;
- finansavaja dapamoha (prablemy z pracaj, vypłata kredytaŭ);
- miedycynskija pytańni (pošuk śpiecyjalistaŭ i punktaŭ akazańnia dapamohi, afarmleńnie invalidnaści);
- psichałahičnaja dapamoha (pošuk śpiecyjalistaŭ).
Śćviardžajecca, što jak minimum 40% zvarotaŭ «Adno akno» atrymlivaje ź Biełarusi, choć u pieršyja paŭhoda pracy słužby ich było nie bolš za 20%. Ad emihrantaŭ prahnazavana najbolšaja kolkaść zvarotaŭ — z Polščy i Litvy. Usiaho ž z pačatku pracy linii pa dapamohu źviarnulisia biełarusy z 28 krain.
«Niaskoranych palitviaźniaŭ zapisali ŭ hrupu radykałaŭ». Vakoł płatformy «Adno akno» razharełasia dyskusija — pryčynaj stała adna z rekamiendacyj
Siońnia pačynaje pracu słužba «Adno akno», jakuju zapuścili demsiły
Stvarajecca infarmacyjny resurs dapamohi paciarpiełym ad represij pavodle pryncypu «adno akno»
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary