Stvarajecca infarmacyjny resurs dapamohi paciarpiełym ad represij pavodle pryncypu «adno akno»
Pra namier stvaryć adzinuju płatformu dla dapamohi palitviaźniam i ich siemjam zajaviła pradstaŭnica Abjadnanaha pierachodnaha kabinieta, byłaja palitźniavolenaja Volha Harbunova.
Harbunova inicyjavała stvareńnie płatformy, bo pamiataje, jak heta — «vyjści sa źniavoleńnia ŭ poŭnaj razhublenaści, strachu, dezaryjentacyi».
«Kožny dzień ja sustrakaju ludziej, jakija nie mohuć zrazumieć u vialikaj płyni infarmacyi i novych nazvaŭ, dzie šukać padtrymku. Mnohija zastajucca sam-nasam sa svaimi prablemami, adčuvajuć siabie zabytymi», — akreśliła prablemu pradstaŭnica Abjadnanaha pierachodnaha kabinieta.
Jana adznačyła, što, niahledziačy na namahańni vialikaj kolkaści arhanizacyj i inicyjatyŭ, jakija z 2020 hoda byli ŭklučanyja ŭ dapamohu represavanym, «my nie byli hatovy da takoj kolkaści paciarpiełych, nie ŭličyli stan, u jakim znachodziacca ludzi, nie viedali, što za dva hady možna tak chutka razburyć u krainie ŭsiu sacyjalnuju infrastrukturu».
Na sajcie płanujecca raźmiaščać aktualnuju infarmacyju «pra arhanizacyi, fondy, inicyjatyvy, dyjaspary, jakija dapamahajuć ludziam».
Volha Harbunova zaprašaje zapoŭnić śpiecyjalnuju ankietu nie tolki pradstaŭnikoŭ inicyjatyŭ, jakija dapamahajuć, ale i tych, chto karystaŭsia ich dapamohaj.
Kamientary