Biełastocki aktyvist Anatol Vajciachoŭski, jaki ciškom viarnuŭsia ŭ Biełaruś, daŭ intervju prapahandystam
Prapahandyscki film z udziełam baranavickaha pradprymalnika Anatola Vajciachoŭskiaha anansavała biełaruskaje telebačańnie. Film ad Ksienii Lebiedzievaj nazyvajecca «Ucioki dadomu».
Jak abiacajuć prapahandysty, jany raskažuć pra los Uładzimira Usiera, niemaładoha aktyvista z Babrujska, jaki ŭlapaŭsia ŭ film BT i špijanaž u Polščy.
«Siabar Uładzimira, Anatol Vajciachoŭski, jaki cudam viarnuŭsia dadomu, raspaviadaje praŭdu: źbićcio pry zatrymańni, haleča, poŭnaja abyjakavaść tak zvanych «demsił» i adsutnaść jakoj-niebudź dapamohi», — anansujuć stužku prapahandysty.
Na pačatku studzienia aktyvisty Biełastoka zabili tryvohu: źnik pradprymalnik i zasnavalnik papularnaj u 1990‑ia baranavickaj haziety «Šah» Anatol Vajciachoŭski, jaki paśla pratestaŭ 2020 hoda vyjechaŭ u emihracyju.
Miascovyja zaŭvažyli, što mužčyna pierastaŭ źjaŭlacca na pracy ŭ taksi paśla taho, jak pamior jaho eks-susied pa kvatery Uładzimir Usier. Toj znachodziŭsia ŭ Polščy pad śledstvam pa spravie ab špijanažy.
Adnak, jak stała viadoma «Našaj Nivie», pakul u Biełastoku panična šukali Anatola Vajciachoŭskaha, ujaŭlajučy samyja roznyja viersii źniknieńnia, jon znajšoŭsia ŭ Biełarusi.
Da paślavybarčych pratestaŭ 2020 hoda Vajciachoŭski ź siamjoj žyŭ u Baranavičach, peŭny čas pracavaŭ na rajonnym vuźle elektrasuviazi. U siaredzinie 1990‑ch Vajciachoŭski staŭ adnym z zasnavalnikaŭ miascovaj haziety «Šah». Heta adna ź pieršych pryvatnych haziet horada i niekali adna z samych papularnych, jaje nakład siahaŭ 11 tysiač ekzemplaraŭ. Paźniej jana pierafarmatavałasia ŭ čysta rekłamnuju. U pačatku 2000‑ch Vajciachoŭski syšoŭ z žurnalistyki, staŭ pradprymalnikam. Jon zajmaŭsia miedycynaj i tavarami dla zdaroŭja.
U 2023 hodzie Vajciachoŭskaha zatrymaŭ HUBAZiK — za toje, što Anatol pakidaŭ u telehramie kamientaryi suprać rasijskaha ŭvarvańnia va Ukrainu i hvałtu siłavikoŭ, ale kali jaho vypuścili, jon apieratyŭna evakujavaŭsia za miažu pry dapamozie «Bajsoła».
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary