Zatrymali pradprymalnika i zasnavalnika baranavickaj haziety «Šah»
Mužčynie zakidajuć kamientavańnie ŭ internecie i ŭdzieł u pratestach.
Anatolu Vajciachoŭskamu 55 hadoŭ. Jon vučyŭsia ŭ Minskim radyjotechničnym technikumie, a paśla pajšoŭ na pracu ŭ rajonny vuzieł elektrasuviazi ŭ Baranavičach.
U 1996 hodzie jon staŭ adnym z zasnavalnikaŭ miascovaj haziety «Šah». Heta adna ź pieršych pryvatnych haziet horada i niekali adna z samych papularnych, jaje nakład siahaŭ 11 tysiač ekzemplaraŭ. Ciapier hazieta pierafarmatavanaja ŭ čysta rekłamnuju.
Paśla vybaraŭ 2001 hoda Anatol syšoŭ z «Šaha» i zasnavaŭ inšuju hazietu, jakaja nazyvałasia «Miestnaja hazieta Šah». Paśla zakryćcia «Biełaruskaj dziełavoj haziety» ŭ lipieni 2003 hoda jana pieradrukavała materyjały žurnalistaŭ haziety. Za hetuju akcyju salidarnaści z kalehami hazietu spačatku zabaranili drukavać u Biełarusi, a paśla zakryli.
Paśla hetaha mužčyna staŭ pradprymalnikam. Jon zajmajecca miedycynskimi tavarami i inšymi tavarami dla zdaroŭja.
Dniami jaho zatrymaŭ HUBAZiK. Jamu zakidajuć toje, što jon pakidaŭ u telehramie kamientaryi suprać rasijskaha ŭvarvańnia va Ukrainu i hvałtu siłavikoŭ.
«Naša Niva» — bastyjon biełaruščyny
PADTRYMAĆZa kamientary zatrymali ajcišnika, jaki vydaliŭ telehram-akaŭnt paŭtara hoda tamu. Voś jak jaho znajšli
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
HUBAZiK raskazaŭ pra žančynu, jakaja «pryjšła pakajacca». Paśla jaje adpravili ŭ kałoniju i ŭnieśli ŭ «śpis terarystaŭ»
Kamientary