Prezidentka Małdovy Maja Sandu zajaviła, što ŭ vypadku praviadzieńnia refierendumu ab abjadnańni Małdovy z Rumynijaj jana asabista padtrymała b takuju ideju. Pra heta jana raskazała ŭ padkaście dla brytanskich žurnalistaŭ, piša «Jeŭrapiejskaja praŭda».
Pa słovach Sandu, naprykancy 1980‑ch hadoŭ, kali ŭ rehijonie aktyŭna raźvivaŭsia ruch nacyjanalnaha adradžeńnia, tema ŭźjadnańnia z Rumynijaj na jaje radzimie šyroka abmiarkoŭvałasia. Małdova mieła histaryčnuju suviaź z Rumynijaj i da 1940 hoda ŭvachodziła ŭ skład rumynskaj dziaržavy, pakul jaje nie anieksavaŭ stalinski SSSR. Adnak pakolki refierendum na miažy 1980— 1990‑ch nie pravodziŭsia, tamu dakładna nie viadoma, kolki ludziej u toj čas padtrymali b takoje rašeńnie.
Adkazvajučy na pramoje pytańnie pra svaju ciapierašniuju pazicyju, Sandu padkreśliła, što sama prahałasavała b «za» abjadnańnie. Jana patłumačyła heta składanaj hieapalityčnaj situacyjaj vakoł Małdovy i ŭ śviecie ŭ cełym, adznačyŭšy, što nievialikaj krainie ŭsio ciažej zastavacca demakratyčnaj i całkam suvierennaj.
Razam z tym prezidentka Małdovy pryznaje, što ciapier u małdaŭskim hramadstvie niama bolšaści, jakaja padtrymlivała b ideju ŭźjadnańnia z Rumynijaj. Zatoje, pavodle jaje słoŭ, bolšaść hramadzian vystupaje za ŭstupleńnie ŭ Jeŭrapiejski Sajuz, i mienavita na hetym šlachu ŭłady zasiarodžvajuć svaje namahańni, bo heta bolš realistyčnaja meta dla zachavańnia suvierenitetu krainy.
Paśla niadaŭnich vybaraŭ u Małdovie rumynskija ultrapravyja siły znoŭ zaklikali da abjadnańnia dźviuch krain. Apytańnie bucharesckaj sacyjałahičnaj kampanii Avangarde pakazała, što amal pałova žycharoŭ Rumynii padtrymlivaje takuju ideju.
Jeŭrakamisarka ŭ spravie pašyreńnia: Pierad ustupleńniem u Jeŭrasajuz krainy-kandydatki musiać zrabić hieapalityčny vybar
Ułady Małdovy vyrašyli zakryć «Ruski dom» u Kišyniovie
Piaskoŭ papiaredziŭ Małdovu ab paŭtareńni pamyłak «adnoj dziaržavy»
Biełarus u Sierbii rychtavaŭ prarasijskich aktyvistaŭ dla destabilizacyi ŭ Małdovie
Małdova pakazała, jak Pucinu i Łukašenku možna davać pa zubach i ŭ hibrydnaj vajnie
Na vybarach u Małdovie pieramahła prajeŭrapiejskaja partyja prezidenta Sandu, prarasijskaja apazicyja prajhrała
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary