Udzielniki ruchu Just Stop Oil («Prosta spynicie naftu») ablili supam dźvie karciny Vincenta van Hoha ŭ Łondanie. Heta adbyłosia praź niekalki hadzin paśla taho, jak jašče dvoje aktyvistaŭ byli prysudžanyja za takuju ž akcyju da turemnaha źniavoleńnia, piša Bi-bi-si.
Troje aktyvistaŭ Just Stop Oil pluchnuli supam u dźvie karciny ź sieryi «Słaniečniki» (1888 i 1889 hadoŭ) na vystavie «Paety i zakachanyja» ŭ Nacyjanalnaj halerei ŭ centry Łondana. U halerei paviedamili, što ekśpierty ŭžo daśledavali karciny i pryjšli da vysnovy, što paškodžańniaŭ jany nie atrymali.
Raniej u piatnicu dźvie aktyvistki Just Stop Oil — 23-hadovaja Fibi Płamier i 22-hadovaja Hanna Chołand — byli prysudžanyja da dvuch hadoŭ i 20 miesiacaŭ turemnaha źniavoleńnia za toje, što ŭ kastryčniku 2022 hoda vylili sup na «Słaniečniki», napisanyja ŭ 1888 hodzie.
U videaroliku, apublikavanym Just Stop Oil u sacsietcy X, aktyvisty havorać razhnievanamu natoŭpu: «Jość ludzi, jakija siadziać u turmie za toje, što patrabavali spynić zdabyču nafty i hazu, i heta ciapier źjaŭlajecca dziaržaŭnaj palitykaj. Budučyja pakaleńni buduć ličyć, što hetyja viaźni sumleńnia znachodzilisia na pravilnym baku historyi».
Na videa čuvać, jak naviedvalniki vystavy kryčali aktyvistam «Nie!» i «Nie rabicie hetaha!».
Jak paviedamiŭ pres-sakratar Nacyjanalnaj halerei, troje aktyvistaŭ uvajšli ŭ zału sa «Słaniečnikami» kala 14:30 (16:30 pa biełaruskim časie). Ciapier jany zatrymanyja pa padazreńni ŭ naniasieńni škody, paviedamili ŭ łondanskaj palicyi.
Heta ŭžo treci vypadak za apošnija hady, kali metaj akcyi pratestu Just Stop Oil vybirajuć tvor mastactva z Nacyjanalnaj halerei Łondana. U lipieni 2022 hoda dvoje aktyvistaŭ prylapili siabie da karciny Džona Kanstebla «Kalosy dla siena» (1821).
Aktyvisty pa baraćbie sa źmianieńniem klimatu vylili čornuju farbu ŭ znakamity fantan Barkača ŭ Rymie
Klimatyčnyja aktyvisty ŭ Bierlinie zabłakavali darohu, pa jakoj jechała chutkaja. A paśla hetaha abvinavacili ŭłady ŭ pravakacyi
Ekaaktyvisty zrezali vierchavinu na hałoŭnaj kaladnaj jołcy Bierlina
Ekaaktyvisty kinuli tort u adnu z vaskavych fihur u znakamitym Łondanskim muziei madam Ciuso
Ekaaktyvisty ablili bulbianym piure karcinu Kłoda Mane za 110 miljonaŭ dalaraŭ
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary
Pilnujsia, luby čytače, ekaaktyvistaŭ, envajramentalistaŭ, partyjaŭ zialonych, zialonych partałaŭ, zaaaktyvistaŭ i padobnych adeptaŭ antyhumanistyčnych idejalohij.
Jany źniavolać ŭ apošniaha robka ciabie ź pieśniaj pra achovu pryrody