Aktyvisty pa baraćbie sa źmianieńniem klimatu vylili čornuju farbu ŭ znakamity fantan Barkača ŭ Rymie
Situacyju prakamientavaŭ mer horada.
Klimatyčnyja aktyvisty z ruchu Ultima Generazione («Apošniaje pakaleńnie») vylili «čornuju vadkaść na asnovie draŭnianaha vuhalu» ŭ znakamity fantan Barkača ŭ centry Ryma. Videazapis padziei źjaviŭsia 1 krasavika na aficyjnaj staroncy Ultima Generazione ŭ tvitary.
«Absurdna, što heta vas šakuje, kali ŭ toj ža čas my pieražyvajem nadzvyčajnuju situacyju z-za zasuchi, jakaja stavić sielskuju haspadarku i vytvorčaść enierhii ŭ kryzis», — napisali aktyvisty pad videa.
♠️ Roma - Tinta di nero l'acqua della fontana della Barcaccia
E' assurdo che questo gesto vi scandalizzi, quando stiamo vivendo un'emergenza siccità che mette in crisi l'agricoltura, la produzione di energia... insomma la nostra stessa sussistenza, e ci sono dei responsabili. pic.twitter.com/AROZ0oU8CX
Adrazu paśla akcyi maładych ludziej aryštavała palicyja, i ciapier jany znachodziacca pad vartaj. Im aficyjna pradjaŭlena abvinavačańnie ŭ apahanieńni hramadskaha pomnika.
Situacyju paśpieŭ prakamientavać mer italjanskaj stalicy Raberta Hualćjery, jaki ŭ toj ža dzień naviedaŭ zabrudžany fantan. Pavodle jaho słoŭ, paškodžańnie Barkačy nie maje ničoha ahulnaha z abaronaj klimatu i navakolnaha asiarodździa.
«Rym znachodzicca na piarednim krai baraćby sa źmianieńniem klimatu i ŭ abaronie mastackaj spadčyny. Kidać čornuju vadkaść u Barkaču, ryzykujučy sapsavać jaje, — absalutna niapravilny žest, jaki nie dapamahaje navakolnamu asiarodździu», — napisaŭ mer Ryma ŭ svaim tvitary.
#Roma è in prima linea nella lotta ai mutamenti climatici e nella tutela del patrimonio artistico. Gettare liquido nero nella #Barcaccia rischiando di rovinarla è un gesto assolutamente sbagliato che non aiuta l'ambiente. Già operativi gli interventi per evitare danni permanenti. pic.twitter.com/W0CnmpylwW
Akramia hetaha, Hualćjery paviedamiŭ, što fantan na dadzieny momant užo całkam ačyščany i Barkača «znoŭ moža napoŭnicca pryhažościu».
Nahadajem, što ruch «Apošniaje pakaleńnie» užo nie pieršy raz ładzić padobnyja akcyi suprać źmianieńnia klimatu. Naprykład, ŭ minułym hodzie ekaaktyvisty ablili supam karcinu Van Hoha, kinuli bulbianoje piure ŭ pracu Kłoda Mane, zrezali vierchavinu hałoŭnaj jołki Bierlina, a taksama prylapili siabie da bierlinskaj aŭtamahistrali, čym vyklikali kiłamietrovy zator.
Ciapier čytajuć
Rasijskaja błohierka-miljońnica, jakaja zhańbiłasia ź biełaruskaj movaj, zapisała videa z tłumačeńniami — ale tak i nie vybačyłasia33
Kamientary