Usiaho patrochu11

Droždžy dapamohuć pavysić uradžajnaść i zachavać uradžaj

Apošnim časam papularnaść nabyvaje arhaničnaje ziemlarobstva. Aharodnikam, jakija pra heta dumajuć, prapanujem źviarnuć uvahu na piakarskija droždžy.

Droždžy

Daśviedčanyja dačniki vykarystoŭvajuć piakarskija droždžy dla padkormki i apyrskvańnia praktyčna ŭsich raślin: jak vazonaŭ, tak i sadovych kvietak, sadovych i aharodnych kultur, dekaratyŭnych i jahadnych kustoŭ. Vyklučeńnie składajuć bulba, časnok i cybula. Raskazvajem, jak ža droždžy možna vykarystać i jak jany pracujuć.

Droždžy abaraniajuć raśliny ad chvarob i škodnikaŭ

Droždžy — adnakletačnyja hryby, jakija paskarajuć raskładańnie arhaničnych złučeńniaŭ, akazvajuć dobraje ŭździejańnie na mikrafłoru hleby i abaraniajuć raśliny ad chvarob i škodnikaŭ. Da taho ž, droždžy — bahataja krynica vitaminaŭ (u asnoŭnym hrupy V), kaliju, mahniju, kalcyju, fosfaru, cynku, žaleza. I heta jašče nie poŭny pieralik. Taki nabor vielmi karysny dla raślin, asabliva dla maładoj rasady.

Jaki efiekt draždžej?

Droždžy ŭ jakaści ŭhnajeńnia paskarajuć rost raślin i sadziejničajuć raźvićciu ich karaniovaj sistemy. Akramia hetaha, jany vyciaśniajuć niebiaśpiečnyja patahiennyja hryby i takim čynam spryjajuć raźvićciu karysnych mikraarhanizmaŭ u hlebie. A jašče droždžy dapamahajuć raślinam zasvojvać karysnyja pažyŭnyja rečyvy.

Pry apyrskvańni draždžavym rastvoram raśliny stanoviacca bolš ustojlivymi da hrybkovych zachvorvańniaŭ: šeraj hnili, fitaftory, mučnistaj rasy. Droždžy, jakija taksama źjaŭlajucca adnakletačnymi hrybami, ustupajuć u kankurencyju z hetymi patahienami za ježu i prastoru. Da taho ž jany vydzialajuć rečyvy, jakija pryhniatajuć raźvićcio ŭzbudžalnikaŭ chvarob.

Jak pryhatavać uhnajeńnie z draždžej?

Pieršy sposab

Dla pryhatavańnia spatrebicca kavałak śviežych piakarskich draždžej. Ich razvodziać z trochi padahretaj vadoj u praporcyi 100 hram na 10 litraŭ vady, dajuć niekalki hadzin pastajać, paśla čaho rastvor hatovy dla ŭžyvańnia.

Niekatoryja aharodniki vykarystoŭvajuć trochi inšy sposab. Spačatku rastvarajuć 100 hram draždžej u litry vady, dadajuć tudy stałovuju łyžku cukru. Dajuć rastvoru pastajać niekalki hadzin (naprykład, ad ranku da viečara) i zatym razvodziać z 9 litrami vady.

Druhi sposab patrabuje bolš času, ale i efiekt budzie lepšy.

U posud kryšać 100 hram draždžej i zasypajuć 200 hramami cukru. Prykładna praz 1—2 hadziny hetuju sumieś zalivajuć 10 litrami troški ciopłaj vady, staranna pieramiešvajuć i pakidajuć na tydzień. Zatym hatovy rastvor razvodziać u praporcyi 1:40 i vykarystoŭvajuć dla palivu.

Padkormka raślin draždžavym rastvoram robicca prykładna raz na dva tydni. Ale treba pamiatać, što nielha złoŭžyvać takoj padkormkaj, bo jana «vyciahvaje» z hleby kalij i praźmierna nasyčaje jaje azotam. Kab minimizavać takija nastupstvy, u hlebu rekamiendujuć dadavać dryviany popieł.

Jak pryhatavać rastvor dla apyrskvańnia

100 hram draždžej rastvarajuć u 0,5 litra małaka i zalivajuć 10 litrami vady. Zatym u hatovy rastvor dadajuć 20 hram zialonaha myła, jakoje dapamoža srodku zamacavacca na raślinie.

Takim preparatam raśliny apyrskvajuć raz na tydzień.

Spadziajomsia, što našy parady dapamohuć vam nie tolki zachavać raśliny, ale i pavysić uradžajnaść.

Čytajcie jašče:

Vykidajecie łupiny ad banana? A darma

Kamientary1

  • Žvir
    02.04.2023
    Cikava.

Ciapier čytajuć

Kiełah płanuje pajezdku ŭ Biełaruś i sustreču z Łukašenkam4

Kiełah płanuje pajezdku ŭ Biełaruś i sustreču z Łukašenkam

Usie naviny →
Usie naviny

«Stracili ŭsio, akramia žyćcia». 85 hadoŭ tamu ŭnuka prezidenta Hrodna vyvieźli z horada ŭ čamadanie — zaraz jon pa krupinkach uznaŭlaje historyju siamji2

Šmatdzietnaha baćku-viernika pryznali jašče i terarystam1

Kampanija Trampa budzie vypuskać imiannyja mabilniki ź cikavym taryfnym płanam2

Chto taki Viarchoŭny lidar Irana ajatała Ali Chamieniei i nakolki ŭpłyvovaja jaho siamja2

Biełaruski eks-ministr pryros aktyvam u Polščy, ale nie zabyvaje pra Rasiju3

Pad Danieckam rasijski vajskoviec złaviŭ žonku z paluboŭnikam, vyviez jaho ŭ pole i rasstralaŭ z aŭtamata7

Iłan Mask apublikavaŭ vyniki analizaŭ mačy na narkotyki5

Rasijanin vyskačyŭ u Litvie ź ciahnika padčas ruchu, jaho šukaje palicyja1

Jak adroźnić časovaje vypadzieńnie vałasoŭ ad abłysieńnia? Tłumačyć trychołah

bolš čytanych navin
bolš łajkanych navin

Kiełah płanuje pajezdku ŭ Biełaruś i sustreču z Łukašenkam4

Kiełah płanuje pajezdku ŭ Biełaruś i sustreču z Łukašenkam

Hałoŭnaje
Usie naviny →

Zaŭvaha:

 

 

 

 

Zakryć Paviedamić